terça-feira, 4 de julho de 2017

FRETILIN Rezeita Alegasaun Sosa Votos iha Ermera

PARTILHAR

DILI: Partido FRETILIN rezeita makás alegasaun sosa votus husi ema balun liu husi jornal imprime.

Adjunto Sekretariu Jerál partidu FRETILIN, José Reis deklara katak, FRETILIN sei notifika ba Ministériu Públiku atu investiga alegasaun ne’ebé hakerek iha reportazen ida iha jornal Timor iha loron 30 fulan-Jullu 2017 ho titulo “Taur Hetan Keixa, CNRT – FRETILIN Sosa Votos”.

FRETILIN konsidera reportazen ne’e nakonu ho alegasaun falsu ka la los.

“Ami fiar metin katak estrutura ka militantes FRETILIN la halo hanesan reportagem jornal nian ne’e fó sai. FRETILIN sempre kontra hahalok ida ne’e no ami fiar metin ami nia estrutura no militantes mos kontra 100% hahalok sosa votos,”deklara José Reis iha CCF Dili ohin.

José Reis husu husu Ministériu Públiku investiga kedas alegasaun ida ne’e hodi prosesa tuir lei. Tanba partidu FRETILIN nunka orienta nia militantes ka estrutura atu halo.

“Ha’u husu mós ba Sr. Taur Matan Ruak, no ema ida ne’ebé ko’alia no tuir mai jornal reporta, maibé nia rasik lakoi temi naran, atu kolabora ho justisa no lori halo keixa iha CNE no MP, tanba se ida ne’e karik akontese duni, entaun ne’e krime públiku ne’ebé FRETILIN mós kondena makas no hakarak justisa kaer no prosesa se se de’it mak hala’o komportamentu kriminosu ida ne’e,”José Reis dehan.

Maibe José Reis hatutan katak FRETILIN rasik sei foti ida ne’e ho CNE, no sei haruka karta ba Ministériu Públiku mós atu investiga alegasaun públiku ne’ebé Jornal ne’e atribui ba Senhor Taur Matan Ruak.

Husu mós ba jornalista ne’ebé hakerek artigu ida ne’e fó gravasaun ba CNE no MP, atu bele investiga alegasaun hahalok Krime Públiku ida ne’e, tanba mós reportazen ida ne’e hafoer FRETILIN nia naran injustamente.

Jose Sarito Amaral | Independente
PARTILHAR

Author: verified_user

Publicação luso-timorense sem fins lucrativos

0 comentários: