Rúsia
ho Xina apela ona, iha loron-tersa ne'e, ba Koreia-Norte hodi hapara teste
nuklear sira no misil balístiku sira no ba Estadus Unidus hodi hapara ho
ezersísiu militar sira hodi halo kalma tensaun sira iha península koreanu.
Nasaun
rua "apela ba parte tomak ne'ebé envolvidu ba kalma ho rekuza asaun
provokador sira no ba retórika funu nian", afirma hosi ministériu sira
Negósiu Estranjeiru hosi nasaun rua ne'e iha komunikadu hamutuk ida hafoin
enkontru ida iha Kremlin entre prezidente rusu, Vladimir Putin, ho xinés, Xi
Jinping.
Rúsia
ho Xina husu ona ba Koreia-Norte atu fó sai ho dalan voluntáriu "adiamentu
ba prazu hosi teste nuklear sira no hosi ensaiu misil balístiku sia" no ba
Estadus Unidus no ba Koreia-Súl atu "hapara halo manobra militar hamutuk
sira ho eskala boot" ba "koezisténsia pasífiku" di'ak ida iha
rejiaun.
Nasaun
rua ne'e hatudu nia "preokupasaun maka'as" ba anúnsiu, iha
loron-tersa, hosi Koreia-Norte katak lansa ona misil balístiku interkontinental
ida, ne'ebé sira konsidera hanesan labele admiti, tanba viola rezolusaun sira
hosi Konsellu Seguransa ONU nian.
Tuir
komunikadu, instalasaun hosi eskudu antimisil norte-amerikanu ida iha rejiaun
sudeste aziátiku "hanesan ameasa ida ba interese sira hosi seguransa
estratéjiku hosi nasaun sira iha rejiaun, inklui Rúsia ho Xina".
"Tenki
respeita preokupasaun sira hosi Koreia-Norte. Nasaun sira seluk tenki esforsa
hodi hahú fali negosiasaun sira no kria hamutuk klima dame ida no konfiansa
maka'as", hatutan.
Iha
deklarasaun sira ba jornalista sira hafoin hasoru malu ho homólogu inglés,
Vladimir Putin refere ona katak "solusaun ba problema iha península
koreanu hodi garanti dame no estabilidade iha nordesta Ázia nian eziste entre
prioridade sira hosi polítika externa hanesan".
Koreia-Norte
fó sai iha loron-tersa lansamentu ba nia misil balístiku interkontinental
dahuluk, ne'ebé permiti nia ataka Estadus Unidus, maibé Rúsia hametin katak
ne'e hanesan misil ida ho alkanse médiu.
SAPO
TL ho Lusa
Sem comentários:
Enviar um comentário