PLP Optimista Manan Maioria Iha Oe-Cuse

OESILO - Presidente Partidu Libertasaun Polupar (PLP) Taur Matan Ruak optimista, PLP neebe maka nia lidera sei manan maioria iha Rejiaun Administrativa Espesial Oecusse Ambeno (RAEOA) iha elisaun parlamentar.

Presidente PLP Taur Matan Ruak hatete lia hirak nee bainhira halo komisiu politiku iha Postu Administrativu Oesilo, suku husi Tasae, Tersa ( 4/7/2017).

Tuir Taur katak PLP iha optimista boot bele hetan votus maioria iha Oecuse tamba hare husi eleisaun presidensial neebe liu dadaun ona.

Hau konfia ita nian partidu PLP sei manan maioria iha Oecuse iha eleisaun parlamentar neebe maka lakleur tan ita sei halo,” dehan Taur.

 Nia dehan PLP iha ona ninian hare rasik ba elisaun dadaun iha elisaun legislativu neebe maka lakleur tan atu halo Oecusse PLP manan maioria.

Ita hare resulta elisaun Presidensial neebe maka liu dadaun nee ZEEMS neebe maka kaer rasik husi Mari Alkatiri, hodi halo dezemvolvimentu iha Oecusse maibe realidade foin dadaun eleisaun presidensial ita nian maun Lu-Olo lakon iha neeba no hau husu ba Oecusse oan sira tanba saida maka lori ema lori ZEEMS dezemvolvimentu ho orsamentu neebe maka boot hodi dezemvolve ba imi nia rai imi sei lakohi, no komunidade hirak Oecusse halerik ba ZEEMS nee rasik tamba lori sofre ba komunidade Oecusse oan, tamba tukang deit lori husi ema nian rai, tamba nee hau fiar kuandu eleisaun legislativa PLP optimista sei manan iha Oecusse,” dehan  Taur.

Iha fatin hanesan komunidade Oecuse Jacinto Falo hateten nia parte apresia ba programa PLP tamba nudar partidu neebe maka foun maibe partidu nee mai ho ninian programa no planu neebe diak no hare husi nian programa nee rasik diferente ho partidu sira seluk ida nee bele koresponde ba nesesidade povu.

Nudar komunidade ami hare PLP nudar partidu neebe maka iha esperansa boot atu lori moris diak ba povu hare husi nian program no planu tamba nee maka ohin ami mai   involve an ba iha partidu ida nee,” dehan Jacinto.

 Komunidade nee mos realsa liu tan Taur Matan Ruak maka nudar fugura neebe maka bele akbesik an ba iha povu tamba nia hatudu ona husi nian mandatu nudar Presidente Republika RDTL huai nee nian hatudu ona katak lider presiza besik nian povu hoai hare besik povu nian kondisaun saida sir infreta tamba nee maka “Ami sei fo votus ba iha maun Taur liu husi PLP hodi sai Primeiru Ministru periodu 2017-2022,” dehan Jacinto.

Antes de ba Presidente PLP Taur Matan Ruak halo kampania aberta PLP nian iha Oesilo halo uluk kari aifunan ba vitima nain 74 neebe maka oho husi grupu milisia iha 1999 iha Tumipostu administrativu Oesilo nian. Natalino Costa

Suara Timor Lorosae