terça-feira, 4 de julho de 2017

Komisaun eleitoral estuda denúnsia hasoru pájina dijital sira hosi notísia falsu sira

PARTILHAR
Prezidente Komisaun Nasional Eleisaun nian (CNE) timoroan hatete ona iha loron-segunda ne'e katak halo hela estudu ba kesar ida iha Ministériu Públiku hodi investiga "site sira" no pájina dijital sira hosi notísia falsu sira kona-ba kampaña ba lejislativu sira.

"Ami senti preokupadu ho situasaun ne'e no ami hanoin atu aprezenta kesar ida iha Ministériu Públiku ka iha polísia hodi investiga sé maka hanesan autor sira hosi asaun sira ne'e", hatete hosi Alcino Baris ba ajénsia Lusa.

"Ami konsidera katak asaun sira ne'e prejudika estabilidade hosi faze kampaña sira rasik no, tanba ne'e, ami hanoin atu aprezenta kesar ida hodi hatene autor sira", nia afirma.

Ba dala uluk, iha kampaña polítika ida iha Timor-Leste, rede sosial sira simu beibeik notísia falsu sira, barak liu aprezenta kona-ba deklarasaun sira hosi partidu prinsipal sira, CNRT ho Fretilin, ne'ebé karik halo iha komísiu sira ka enkontru sira.

Notísia sira sujere katak iha krítika maka'as sira entre líder partidu sira nian - ne'ebé ohin loron sira nia relasionamentu di'ak liu - ho internauta sira iha rede sira hanesa Facebook fahe beibeik textu sira.

Iha kazu barak, textu sira fahe hosi militante sira hosi forsa polítika sira seluk.

Kazu ida ne'ebé polémiku liu maka blog "politikatimor", ne'ebé publika notísia sira ne'ebé refere ba Fretilin ho CNRT no ne'ebé iha pájina internet hatudu katak iha ligasaun ba site "Timor Ha'u nia Doben", ne'ebé hetan investigasaun hosi Ezekutivu iha tinan 2015.


Iha tempu ne'ebá, diretor nasional hosi Polísia Sientífiku Investigasaun Kriminal nian (PCIC) iha tempu ne'ebá maka Hermenegildo da Cruz hatete ona katak autoriza ona investigador sira hodi halo "investigasaun klean ida kona-ba 'website' Timor Ha'u Nia Doben, ne'ebé eziste hahú tinan 2010 no ne'ebé iha tinan hirak ikus ne'e sai hanesan fatin ida ne'ebé ho krítika liu ba Governu.

"Durante investigasaun ne'e ami identifika ona katak "website" ne'e iha objetivu provokativu, lansa informasaun provokativu sira no mós hamosu ajitasaun iha situasaun nian ne'ebé la favorese ba estabilidade. Lansa informasaun ho atake sira hasoru autoridade sira Estadu nian no kontra lideransa istóriku sira hosi ami nia nasaun", nia afirma.

Bainhira insisti hodi halo komentáriu ba investigasaun, Zizi Pedruco, responsável ida hosi Timor Ha'u Nian Doben hatete ona ba Lusa, hahú hosi Austrália, katak senti suprendidu ho investigasaun, no nia konsidera ona hanesan vítima hosi intimidasaun.

"Bainhira sira hakarak hatene kona-ba ha'u bele husu ba primeiru-ministru ka governante sira seluk. Sira balun uza ami nia pájina hodi hetan benefísiu rasik. La'ós susar identifika ha'u", nia afirma.

"Ha'u senti katak hanesan kampaña intimidasaun ida, hodi halo ami nonook, maibé hanesan halo moe, tanba iha tempu balun liubá ita maka halo kesar kona-ba ema indonéziu sira ne'ebé maka halo asaun hanesan kontra ema timoroan sira", nia hatete.

Timor-Leste hanesan nasaun ida ne'ebé rede sosial sira, liuliu Facebook, no plataforma sira komunikasaun sira hanesan Whatsapp iha liu importánsia, ho asesu ba internet iha ona iha munisípiu tomak iha nasaun ne'e.

Asesu ba internet hanesan fásil liu duké ba órgaun komunikasaun sosial konvensional sira, halo rede sosial sira ka plataforma sira seluk, sai hanesan fatin privilejiadu sira ba diálogu ho debate, inklui polítika.

Empreza Timor Social, ne'ebé serbisu iha dezenvolvimentu ba estratéjia sira komunikasaun nian iha rede sosial sira, kalkula katak parte balun hosi populasaun nasaun nian (ema timoroan hamutuk rihun 400 resin) iha perfil ativu sira iha rede sosial sira, liuliu, iha Facebook.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: