KI Preokupa Notisia Falsu Tendensia Soran Lider Parpol

DILI - Konsellu Imprensa (KI) preokupa notisia falsu neebe oras nee espailla iha Timor Leste, tendensia liu soran lider partidu politik iha periodu kampania, husu jornalista sira tenke hakerek notisia bazeia ba faktus.

Tuir Prezidente Konsellu Imprensa (KI), Virgilio da Silva Guterres hatete katak, KI simu ona preokupasaun pesoal balun husi partidu politik sira no mos husi entidade sira seluk konaba Fake News (notisia falsu) ka “Hoax”.

Konsellu Imprensa nia preokupasaunida mak Fake News (notisia falsu), mantein independensia editorial, tratamentu justu ba partidu 20 bloku 1,” dehan Virgilio ba jornalista liu husi konferensia imprensa neebe halao iha edifisiu KI, Maskarinhas-Dili, Tersa (04/07/2017).

Prezidente KI hatutan, KI preokupa Fake Newska notisia falsu nee tanba sai fali referensia ba media, ba jornalista sira atu kestiona lider partidu politik sira, nee buat ida neebe bele obriga atu hamsou tensaun lanesesariu.

Iha fatin hanesan, Konseleiru KI, Hugo M. Fernandes informa, durante nee notisia balun jornalista tau ninia opiniaun iha ninia lead, maibe lahakerek orijen husi fontes nee se. Raimundo S. Fraga

Suara Timor Lorosae