Porta-vós
hosi parlamentu Indonézia nian nega ona katak la halo iregularidade ruma,
hafoin deklara ona nia hanesan suspeitu iha eskándalu hosi korupsaun ne'ebé
deskonfia karik hasai dolar millaun 170 resin hosi governu.
Setya
Novanto hatete ohin katak respeita prosesu legal, maibé hatete katak laiha lia
loos ruma iha akuzasaun ne'ebé hatete katak nia naok dolar millaun 40 resin.
Maski
Prezidente norte-amerikanu, Donald Trump, konsidera ona nia hanesan mane ida
ne'ebé iha kbiit maka'as iha Indonézia, Setya Novanto mantén iha kargu hanesan
porta-vós parlamentu nian.
Xefe
komisaun hosi kombate ba korupsaun, Agus Rahardjo, fó sai ona iha loron-segunda
katak komisaun halibur prova sufisiente sira hodi hatete katak Novante hanesan
suspeitu.
Polísia
antikorupsaun hatete ona katak rede ida ho ema na'in 80 resin, barak liu
polítiku sira no empreza oioin uza ona introdusaun hosi sistema ida identidade
eletróniku nian ne'ebé kalkula ho folin dolar millaun 440 iha tinan 2011 no
2012 hodi naok osan balun hosi fundu sira ne'ebé sira hetan.
Novanto,
hosi Golkar, partidu ne'ebé harii hosi jeneral Suharto iha tinan 1964, suspeitu
dalima hosi kazu ne'ebé fó sai, ne'ebé bele transfroma iha teste ida hasoru
vontade hosi Prezidente Joko Widodo nian hodi hametin luta hasoru korupsaun,
maski suspeita sira kona liu ba deputadu sira hosi koligasaun nian iha poder,
inklui Golkar.
Korupsaun
iha nível aas tebes iha Indonézia no atraza dezenvolvimentu nasaun nian ho
populasaun millaun 250 resin, hakerek hosi ajénsia Associated Press.
Novanto,
admirador Trump nian, mosu ho supreza iha konferénsia imprensa ida Trump nian
iha Nova Iorke iha fulan-Setembru 2015, hamutuk ho Fadli Zon, deputadu ida
seluk hosi Indonézia.
Porta-vós
hosi parlamentu Indonéziu aprezenta hosi Trump hanesan ema ida ne'ebé iha liu
kbiit iha nasaun aziátiku ne'ebé sei halo asaun importante sira ba Estadus
Unidus.
Rahardjo
hatete katak Novanto hanesan "suspeitu hodi halo nia aan sai riku duni ka
ema sira seluk tanba abuza ona nia poder" no kaer knaar importante ida
hodi halo planu ba fraude.
Entre
naran sira ne'ebé mosu iha akuzasaun, aprezenta iha fulan-Marsu iha julgamentu
ne'ebé halo ba suspeitu na'in rua ne'ebé uluk hanesan responsável hosi
Ministériu Interior, inklui mós hosi ministru Justisa, ministru Interior, no
governador provinsial na'in rua.
To'o
agora sira seidauk sai hanesan suspeitu no imprensa lokal fó sai ona iha
notísia katak sira nega ona iregularidade ruma.
Iha
tinan liubá, organizasaun Transparénsia Internasional fó ona pontuasaun 37 hosi
nível ida to'o 100 ba Indonézia, nota 100 hanesan livre hosi korupsaun.
Entre
nasaun 176 iha ‘ranking’, Indonézia iha pozisaun 90, dook hodi hetan objetivu
ba pozisaun 50 iha tinan 2016.
SAPO
TL ho Lusa
Sem comentários:
Enviar um comentário