Situasaun Ameasa, Familia Bolseiru Cavo-Verde Hatoo Keisa Ba PN

DILI – Oras nee dadaun situasaun seguransa ba bolseiru Timor oan iha Cavo-Verde kontinua iha ameasadu, familia triste hodi hatoo keisa ba  Parlamentu Nasional (PN), no husu atu evakua bolseiru ba nasaun seluk.

Preokupasaun nee hatoo husi Tuir familia bolseiru Auxilio Pascal katak, hanesan familia sira sente laran triste tanba, problema nee mosu ministru uza nia profisionalismu atu rezolve problema nee  lae, maibe fo fali opasun 2 ba labarik atu hili mantein no fila mai Timor.

"Ami familia hakarak atu governu Timor-Leste liu husi Ministeriu Edukasaun  halo evakua lalais baa mi nia oan sira, ba eskola iha nasaun CPLP seluk, tanba ami lakohi oan sira sai vitima,” katak Auxilio iha enkontru bainhira hasoru mlau ho Komisaun F, Segunda (14/08/2017) iha Parlamentu Nasional.

Nia hatete, ohin sira familia bolseiru halibur malu hodi mai iha Parlamentu Nasional, atu haree asuntu ida nee, maske mandatu PN atu remata ona. Maibe sira mai hatoo hela kestaun ida nee, atu mandatu foun mai bele kontinua haree, tanba ida nee problema neebe risku ba labarik sira nia vida.

Nunee mos Familia Bolseiru Rui Baptista Dias hatete iha enkontru katak, haree ba kazu nee nia implikasaun negativu tebes. Maske sira rona deit husi dok, no mos haree deit husi media haree ba problema nee hanesan problema sai polemiku iha media sosial no media nasional, kona ba Ministeriu Edukasaun foti desizaun.

Entretantu hatan ba preokupasaun nee Membru Komisaun F, Eladio Faculto hatete, bolseiru sira ba eskola iha ema nia rain nee responsabilidade estadu nian, neebe estadu sei halo akompanamentu ba sira atu bele estudu hodi hetan rekursu umanus neebe diak hodi fila mai Timor. 

Guilhermina Franco/Jacinta Sequeira | Suara Timor Lorosae