Bankada
hosi partidu boot opozisaun timoroan nian, Congresso Nacional da Reconstrução
Timorense (CNRT), aprezenta iha loron-kinta ne'e proposta rejeisaun hasoru
programa Governu nian, iha momentu ikus sira hosi debate ne'ebé hahú iha
loron-segunda ne'e.
Proposta
ne'e entrega ona hafoin prezidente parlamentu, Aniceto Guterres, hatete ona
katak konklui ona debate hosi programa ezekutivu nian "tanba laiha tan
inskrisaun sira" hosi deputadu sira hodi halo intervensaun.
Testu
hosi debate nian hatete katak diskusaun, ne'ebé hahú iha loron-segunda no
ajenda ona hodi iha durasaun to'o loron-sesta, bele hotu bainhira laiha tan
intervensaun previstu sira.
Aprezentasaun
hosi proposta, entrega ona ba prezidente Parlamentu Nasional nian hosi líder
bankada CNRT nian, Arão Noé, halo interupsaun hosi serbisu sira durante minutu
30 resin hodi analiza no verifika konteúdu dokumentu nian.
Opozisaun
maioritáriu, harii hosi deputadu na'in 35 hosi Congresso Nacional da
Reconstrução Timorense (CNRT), hosi Partidu Libertasaun Popular (PLP) no hosi
Kmanek Haburas Unidade Nacional Timor Oan (KHUNTO) anunsia ona formasaun hosi
Aliansa Maioria Parlamentar (AMP) ida ne'ebé bele sai hanesan alternativu hosi
Governu bainhira programa Governu dahitu nian la liu.
Atu
hatún Governu minoritáriu, programa tenki hetan reprovasaun dala rua, bazeia
iha lei.
Ezekutivu
hetan apoiu hosi koligasaun Frente Revolucionária do Timor-Leste Independente
(Fretilin) no hosi Partidu Demokrátiku (PD) ne'ebé hamutuk kontrola kadeira 30
hosi kadeira 65 iha parlamentu.
SAPO
TL ho Lusa
Sem comentários:
Enviar um comentário