DILI –
Komandu Polisia Nasional Timor-Leste husu ba sidadaun hotu atu labele influesia
(Terpengaruh) ho situasaun poltiku neebe maka dadaun nee lao iha rai laran,
povu tenke kontinua hakmatek hodi halo idak-idak nia servisu.
Tuir
Komandante Jeral PNTL Julio da Costa Hornay katak iha isu balun neebe maka
dadaun nee lao katak mosu eleisaun antisipada relasiona ho kestaun poltika
neebe lao, hodi provoka folin sasan sae.
“Provisoriamente
situasaun iha ita nia rai laran kontroladu apesar de iha issu balun neebe maka
dehan iha fatin balu ka munisipiu balun foos folin sae no derepenti deit ema
hadau malu foos, tamba sitasaun ladidiak kauza husi akompania deskusaun
programa iha Parlamentu Nasional,” dehan komisariu Julio ba jornalista sira
hafoin remata enkontru semenal ho Prezidente Republika Francisco Guterres Lú
Olo, iha palasiu Prezidensial Nicolau Lobato, Bairru Pite, Kinta (19/10/2017).
Komadante
nee afirma katak ba kestaun nee polsia sira halo hela servisu hodi hatoo ba
publiku situasaun hakmatek. Lalika tauk no lalika hafodak tamba segurasa
prontu nafatin para asegura. Julio dehan poltika nee normal akontese iha nasaun
neebe deit, agora povu maka tenke tau aan.
Komisariu
Julio haktuir liu tan katak oras nee forsa rua F-FDTL no PNTL iha kordensaun
diak hodi garantia seguransa ba rai doben Timor-Leste. Komisariu nee hatutan
husi PNTL rasik pronto atu atua kualker situasaun neebe maka mai.
Hatan
ba sitasaun poltika neebe maka lao dadaun nee tuir komisariu PNTL Julio Hornay,
Prezidente Republika Francisco Guterres Lú Olo orienta hodi husu ba forsa
rua PNTL no F-FDTL atu mantein estabilidade no paz.
Natalino
Costa | Suara Timor Lorosae
Sem comentários:
Enviar um comentário