Uniaun
Europeia (UE) admiti "progresu modestu" ida iha situasaun jeral hosi
Direitu Ema nian iha Timor-Leste iha tinan 2016, aponta katak kazu sira hosi
abuzu doméstiku no violénsia hasoru feto sira iha teritóriu ne'e hanesan
"preokupante".
Tuir
konkluzaun sira hosi dokumentu ne'ebé fó sai iha loron-kuarta ne'e, ne'ebé
analiza garantia hosi direitu ema nian iha mundu tomak, situasaun iha
Timor-Leste hatudu di'ak oituan relasionadu ho tinan 2015, no destaka katak
númeru hosi kazu sira ne'ebé to'o iha Justisa "sei ki'ik tebes bainhira
kompara ho númeru ne'ebé kalkula ba akontesimentu sira", hosi jéneru
oioin.
Refere
katak iha tinan 2016, imprensa ho Organizasaun oioin La'ós Governu nian (ONG)
hatudu nafatin "akuzasaun sira korupsaun nian", no katak, maski hosi
kazu judisial sira hetan limiti to'o tinan ne'e nia rohan, eis-ministru sira
hetan kondenasaun tanba korupsaun.
"Iha
de'it dispozisaun limitadu kona-ba Estadu Direitu no ba responsabilidade, tanba
atitude pasivu hosi sidadaun sira, ne'ebé hanesan komprensivu tanba haree ba
nia nível edukasaun ne'ebé ki'ik", hakerek iha relatóriu ne'ebé rekoñese
mós katak prosedimentu judisial sira "hanesan neineik" tanba ladún
iha preparasaun no númeru ne'ebé ki'ik hosi juís no prokurador sira iha
Timor-Leste.
Relatóriu
anual "Human Rights and Democracy in the world", kona-ba tinan 2016,
aponta katak prioridade sira hosi Uniaun Europeia iha Timor-Leste liu hosi
promosaun hosi dezenvolvimentu inkluzivu ida ba ema timoroan tomak, direitu ba
edukasaun no ba saúde no luta hasoru violénsia doméstiku. Garanti mós atu iha
nafatin apoiu ba projetu sira, iha teritóriu ne'e, ne'ebé selu hosi Fundu
Europeu Dezenvolvimentu nian (FED) no hosi Instrumentu Europeu ba Demokrasia no
ba Direitu Ema nian (IEDDH).
Dokumentu
hatete mós importánsia hosi ezibisaun, iha Timor-Leste, hosi telenovela ida
ne'ebé ko'alia tema sira hanesan violénsia doméstika, governansa di'ak,
korupsaun, nepotizmu no opsaun seksual sira, ne'ebé halo hamutuk ho Provedor
Justisa nian, projetu ne'ebé Uniaun Europeia hakarak aumenta ba Nasaun Afrikanu
sira ho Lian Ofisial Portugeza (PALOP), hodi "aumenta
konsiensializasaun" hosi populasaun sira hodi rezerva direitu ema nian.
Relatóriu
klasifika mós projetu lei nian kona-ba Rai, ne'ebé prepara hosi Governu
anterior, hanesan "baze fundamental" ida ba jestaun teritorial no
dezenvolvimentu ekonómiku iha nasaun, maibé alerta katak nia aplikasaun
"sei hanesan susar tebes".
"Tanba
iha sobrepozisaun oioin entre direitu sira hosi propriedade/okupasaun ne'ebé
maka fó hosi administrasaun portugeza oioin, indonéziu sira, hosi ONU no
timoroan sira nian", hakerek iha dokumentu.
SAPO
TL ho Lusa
Sem comentários:
Enviar um comentário