Autoridade Lokal Maka Mata Dalan Ba Sosiadade

DILI - Knar Xefe Suku atu servi nia povu, oinsa maka bele resolve no fo solusaun ba iha problema neebe maka mosu iha komunidade nia leet.

Lia hirak nee hatoo husi Xefi Suku Comoro Eurico da Costa ba STL iha nia knar fatin, sede Suku Comoro, Sesta (24/11/2017).

Tuir Eurico katak atu sai Xefe suku iha suku ida, knar xefi suku maka atu servi nia komunidade sira, bainhira komunidade ida hakarak halo atendimentu lalais ba iha asuntu ida, nudar Xefi suku tenke fo ninia atendimentu ba iha komunidade neebe maka presiza.

“Hau nudar Xefe suku iha suku Comoro neebe aumesmu tempu nudar rekandidatura an ba iha elisaun suku neebe maka lakleur tan ita halao iha tempu besik, karik povu maka kontinua fo konfiansa ba hau hau sei garantia duni tuir prinsipiu neebe dehan sai lider komunitaria ba komunidade ida nee atu sai seridor ba iha nia povu idan maka knar lolos xefi suku nian,” dehan Eurico.

Iha sorin seluk  SeXe suku Vila Verde Abdullah Macolin  hatete, em prinsipiu Xefe suku ida elitu ida nee kerdizer atu servi nian polulasaun ka ba iha nia komunidade sira, laos sai xefe suku la hatene fali nian knar loron-loron.

Nunee mos Xefe suku Motael Cornelio Lopez hateten atu sai sai xefe suku tenke hatene uluk nia knar, tamba xefe suku nee lider ba komunidade ida neebe maka iha suku ida, kuandu xefe suku ida maka kaer knar hanesan lider iha suku, lalahetene nia servisu ida nee sei fo impaktu ba iha suku nee rasik. 

Natalino T. da Costa | Suara Timor Lorosae