Timor-Leste
ho Austrália hasoru malu iha semana ikus ne'e hodi hakotu objetivu ikus hosi
tratadu bilateral ba fronteira tasi nian, hodi buka akordu iha divulgasaun
públika hosi testu, mantén nafatin enkontru sira ho petrolíferu sira ne'ebé
envolve iha projetu sira iha Tasi Timor.
Reuniaun
sira, ne'ebé halo iha Singapura ho patrosíniu hosi Komisaun ida Konsiliasaun
ONU nian, inklui ona diálogu sira ho 'joint venture' ne'ebé envolve iha posu
importante Greater Sunrise nian iha Tasi Timor.
Iha
komunikadu hamutuk, parte tolu refere katak dezde fulan-Setembru nasaun rua no
'joint venture' hasoru malu hodi buka "elabora no hetan akordu ida kona-ba
konseitu ida dezenvolvimentu nian ba kampu sira gás hosi Greater Sunrise".
Enkontru
ikus sira akontese hafoin Timor-Leste ho Austrália hetan tiha, iha loron 30
Agostu, Akordu ida hosi Pakote Abranjente kona-ba fronteira tasi nian iha Tasi
Timor, ne'ebé inklui "Planu Asaun" ida kontratu nain ba
dezenvolvimentu rekursu nian.
Iha
reuniaun iha semana ne'e "Komisaun ho governu rua ko'alia mós kordenasaun
hosi divulgasaun públika hosi testu projetu tratadu nian kona-ba fronteira tasi
nian", refere hosi komunikadu.
"Governu
rua agora hahú envolve ho parte privadu sira ne'ebé iha interese iha Tasi Timor
kona-ba efeitu hosi tratadu iha interese partikular sira nian, hanesan mós
kona-ba eskema tranzisaun nian ne'ebé hanoin hosi governu rua", nia
esplika.
"Parte
sira tuir nafatin prosedimentu sira hosi aprovasaun internu hodi avansa ba
asinatura tratadu nain. Komisaun sei konvoka sesaun foun ida levantamentu nian
iha fulan-Dezembru tinan ne'e, hodi haree fali progresu ne'ebé relasionadu ho
konseitu dezenvolvimentu Greater Sunrise nian no hodi kordena hakat sira ne'ebé
relasionadu ho divulgasaun no asinatura tratadu nian", nia esplika.
Reuniaun
sira ne'ebé hala'o kona-ba prosesu konsiliasaun nian entre Timor-Leste ho
Austrália, patrosinadu hosi Komisaun Konsiliasaun ida, tuir Konvensaun ONU nian
kona-ba Direitu Tasi nian ho protesaun hosi Tribunal Permanente Arbitrajen
(TPA) nian iha Haia.
Komisaun
avansa hela iha preparasaun hosi nia relatóriu kona-ba prosesu negosial ne'ebé
sei hotu no publika iha inísiu tinan 2018.
Komisaun
konsiliasaun nian, konstitui iha loron 25 Juñu 2016, hahú iha loron 11 Abril
2016, bainhira Timor-Leste haruka "Notifikasaun hosi Instituisaun
Konsiliasaun nian, ho baze hosi Seksaun 2 hosi Anexu V hosi Konvensaun" ba
Austrália.
Komisaun
komposta hosi membru na'in lima, na'in rua hili hosi nasaun ida-idak no prezidi
hosi embaixador Peter Taksøe-Jensen.
SAPO
TL ho Lusa
Sem comentários:
Enviar um comentário