DILI,
(TATOLI) – Prezidente Komité 12 Novembru, Gregorio Saldanha, hodi
estudante no juventude Loriku Aaswa’in husu ba governu atu foti desizaun klaru
kona-ba harii memoriál Masakre Santa Kruz.
“Konsellu
preparativu 12 novembru, prepara hotu ona (dezeñu memoriál-red) iha tinan 10
nia laran, maibé finanseiru ba konstrusaun demora liu”, haktuir Gregorio
Saldanha iha nia intervensaun ba kongresu daruak komité ne’e iha Sentru
Konvensaun Dili, ohin.
Nia
mós husu ba governu no Estadu hodi halo aproximasaun ba governu ho estadu
Indonézia hodi hatudu saudozu sira ne’ebé lakon no mate misteriozamente.
“Halo
aprosimasaun ba governu Jakarta atu hatudu faktu ne’ebé subar aaswa’in sira
husi Saudozu Nicolau Lobato to’o mai povu babain ne’ebé to’o oras ne’e sei
lakon nu’udar mistériu”, katak.
Nia
apela mós ba membru no mate restu masakre 12 novembru atu haka’as-án hodi
kontribui nafatin ba estadu, hahú husi hametin no haboot ho kualidade.
Komite
12 novembru labele sai de’it fatin atu ba trata direitu, simu de’it medalla,
osan ka direitu seluk maibé tenke sai fatin hodi halibur malu hodi fó
kontribuisaun, haki’ak armonia, hametin pás no halo rejistu ba dezenvolvimentu
nu’udar obrigasaun ida ba povu.
Iha
okaziaun ne’e, Saldanha reafirma pozisaun katak naran ka títulu Loriku Aaswa’in
pertense imajen ba estudante no joven ne’ebé mak uluk luta ba ukun rasik-án,
la’ós pertense ba organizasaun polítika ruma.
Nune’e
mós manifesta sira-nia apoiu tomak ba Prezidente Repúblika, Francisco Guterres
Lú Olo hodi halo kontaktu nafatin no konvoka reuniaun ho ulun-boot polítiku
sira hodi buka solusaun ba Nasaun dezde la kontra konstituisaun.
Entretantu,
konstrusaun memoriál Masakre 12 novembru, antes ne’e iha governu konstitusionál
da-neen lidera husi eis PM, Rui Maria de Araújo, katak prosesu ne’e lori tempu
no governu aprova ona proposta, maibe la’ós aprova hotu kedas, tanba modelu
ne’ebé komite 12 novembru aprezenta ne’e boot no detalladu, implikasaun
posibilidade bele muda sai ema barak iha área ne’ebá.
Jornalista:
Rafy Belo | Editora: Rita Almeida
Foto:
Prezidente Repúblika, Francisco Guterres Lú Olo (klaran) simu husi Prezidente
Komité 12 Novembru bainhira partisipa Kongresu daruak Komité 12 Novembru iha
Sentru Konvensaun Dili, ohin. Foto TATOLI/Antonio Goncalves
Sem comentários:
Enviar um comentário