quarta-feira, 8 de novembro de 2017

Hodikalan PNTL-FFDTL Kaptura Sete-Sete Nain 129

DILI, (TATOLI) - Polisia Nasionál Timor-Leste (PNTL) ho Falintíl Forsa Defeza Timor-Leste (F-FDTL) horikalan iha tuku 12:00 kaptura membru Grupu Arte Marsiais (GAM) sete-sete alias 77 hamutuk ema nain 129 bainhira partisipa hela serimónia ritual iha Taibesi.

Komandante jerál PNTL, Julio Hornay esplika sira  Nain 129 ne’e konsidera hanesan frangante delito  tanba parte seguransa ka’er bainhira partisipa hela serimónia ritual 77 nian.

“Ita nia PNTL ho F-FDTL durante ne’e hala’o hela servisu makas no sira kaer ita nia oan eh joven sira tama iha grupu 77 iha Taibesi hamutuk 129 no ami sei ba haree,” Komandu Jerál PNTL, Julio da Costa Hornay ba jornalista sira iha Kuartél Jerál PNTL, Kaikoli, Kuarta (8/11).

Membru GAM 77 ne’ebé polísia no F-FDTL ka’er oras ne’e detein hela iha Munisípiu Dili hodi submete ba prosesu investigasaun atu prosesa tuir lei ne’ebé iha.

Jornalista: Zezito Silva | Editór: Manuel Pinto

Foto: Komandante Jerál Polísia Nasionál Timor-Leste (PNTL), Komisáriu Júlio da Costa Hornay. FOTO MEDIA PR

Sem comentários: