Alunu na'in 300 resin estuda portugés iha Universidade Hankuk iha Koreia-Súl

Alunu na'in 300 resin estuda portugés iha Universidade Hankuk, iha Seul, iha Koreia-Súl, no númeru sei aumenta iha estabelesimentu ensinu ne'e iha tinan hirak tuirmai, hatete hosi fonte embaixada Portugal nian iha nasaun ne'e ba Lusa, iha loron-kuarta ne'e.

"Ami dezenvolve hela serbisu ida iha universidade sira, liuliu iha universidade Hankuk, iha Seul, no iha duni, iha departamentu estudu estranjeiru sira, alunu na'in 300 resin ne'ebé estuda portugés", hatete hosi embaixador Manuel Gonçalves de Jesus.

Diplomata hatutan katak iha universidade koreanu ne'e iha sentru ida hosi estudu portugés sira, kordena hosi profesora ida hosi Institutu Camões ne'ebé, tinan-tinan, organiza kursu rua lian portugeza nian ba ema foun sira.

"Iha ne'e iha variasaun ida ba númeru hosi alunu sira ne'ebé maka tau naran tanba alunu sira ne'e la halo parte hosi projetu ida ensinu regular nian iah universidade nia laran", nia esplika.

Manuel Gonçalves de Jesus hatutan mós katak embaixada laiha estimativa ida kona-ba total hosi alunu sira ne'ebé estuda Camões nia lian iha Koreia-Súl maibé nia fiar katak númeru ne'e "sei aas liu".

"Iha de'it Universidade Hankuk iha alunu na'in 300 resin, maibé estimativa hanesan aas liu bainhira tau hamutuk universidade sira seluk", nia hatete.

Embaixador Portugal nian iha Koreia-Súl konsidera katak aumentu hosi númeru alunu sira ne'ebé estuda portugés iha Koreia-Súl akontese tanba "importánsia ekonómiku no sosial" ne'ebé maka hasoru daudaun.

SAPO TL ho Lusa