Governu Mak Bele Esplika Osan Seremonia 28 Novembru

DILI - Tuir lolos nee parte governu liu husi ministeiru Administrasaun Estatal maka bele esplika detailiadu konaba montante osan hamutuk $ 650 Mil neebe governu gasta iha seremonia proklamasaun independensia 28 Novembru.

Lia fuan hirak nee hatoo husi Mate Restu Komite 12 de Novembru, Rogerio Castro da Cruz ba STL iha nia knar fatin Eix-Komarka Balide Dili Sesta, (1/12/2017). Nia dehan, parte seluk kestiona konaba governu laiha orsamentu atu selu funsionariu nia salariu maibe realidade halao komemorasaun osan iha.

“Orsamentu neebe gastu ba iha seremonia komemorasaun 28 Novembru 2017 iha suai, balun dehan diak no balun dehan ladiak maibe presija husu ba governu atu fo esplikasaun. Nunee moos parte auditoria presija moos haree ba ida,” nia kualia.

Maibe tuir lolos maka komisaun orsanijadora husi governu presija esplika lolos konaba osan nee. maibe moos parte audioria tenki haree didiak problema ida nee tanba parte balun dehan komemorasaun 28 Novembru 2017 nee diak no balun dehan ladiak ida nee tanbasa. Amibe esplikasaun klaru husi governu maka beele halo relatoriu.

Husi parte seluk foin lais nee Ministru Administrasaun Estatal Valentin Ximenes dehan orsamentu sira neebe aloka ba iha seremonia proklamasaun indepedensia 28 Novembru 2017 hamutuk $ 650 mil neebe mai husi orsamentu jeral do estadu 2017 nian. Total orsamentu nee aloka ba munisipiu hotu laos Suai deit. 

Justinho Manuel | Suara Timor Lorosae