Manuel Tilman: Kazu Zenilda Gusmão tendensia polítika

Advogadu Zenilda Gusmão, Manuel Tilman, konsidera kazu Zenilda Gusmão ne’e falun ho politika iha laran, tanba la iha indisius atu akuza, nune’e  nia garante kazu ne’e sei arkiva iha Ministeriu Publiku (MP).

“Hau hein arkiva, tanba la iha indisius nesesariu, hau hanesan advogadu hare realidade no faktus la iha atu halo buska, tanba problema ne’e lolos kona ba rai no kompañia mak komete laos Zenilda mak komete, ida ne’e ita hare hanesan politika mak halo hodi obriga Xanana Gusmão bele fila mai lalais,’’ dehan Manuel Tilman ba jornalista sira iha Beach Garde, Segunda (12/02).

Manuel esplika, kazu ne’e sira akuza ba krime desobidensia rekezisaun ne’e lolos la fundamentu, tanba rekezisaun ne’e mosu bainhira iha estadiu de situ mak parte polisia sira presiza mina atu halo movel ba mai. Kazu Zenilda nian ne’e kona ba espropriasaun lolos sira tenki halo indeminizasaun.

Nune’e advogadu konsidera lalos, tan sira halo buska ba Pedro Belo ne’ebe la merese, tanba Pedro ho Zenilda hela hamutuk deit, ida ne’e hatudu ona iha intensaun politika.

Iha parte seluk, tuir diretor JSMP, Luis Sampaio mos katak, kazu ne’e tendensia politika.

“Kuandu buska ne’e iha karta mandatu husi tribunal la presiza deskute tan, tanba iha baze legal no sira lao iha koridor lei nia okos hodi ezekuta,’’ dehan Luis.

Maske mosu espekulasaun oin oin iha liur ba kazu ne’e, maibe ne’e hanesan ema ida ida nia persepsaun, importante mak buska ne’e iha karta mandatu husi orgaun kompotente.

Antes ne’e, PCIC ezekuta mandadu Ministériu Públiku iha Kinta (18/01/18), mais ou menus tuku lima ho balun, hodi halo buska ba  rezidensia Zenilda Gusmão nia rejidensia iha Bairo Central Díli, tanba  Zenilda Gusmão harii kompañia, maibe deskonfia la selu taxa durante tinan tolu ba Estadu.

Iha buska ne´e, PCIC rekolla  tipu kareta cooper mean ho xapa matrikula A. 14-309 TL ne´ebé mak to’o oras ne´e dadauk para hela iha Kuartel Jeral PNTL Díli.

Komandante Polísia Nasionál Timor-Leste (PNTL), Superintendente Xefe Pedro Belo nia espoza Zenilda Gusmão, ba  Kuartel Jeral ho kareta jeep ho xapa matrikula 29-595 TL, hodi  ba presta deklarasaun iha seksaun investigasaun kriminal iha Kuartel Jeral PNTL. Nia

GMN TV | Grupo Média Nacional