Hetan Imunidade, Presta Deklarasaun Hanesan Sidadaun

DILI - Membru governu neebe komete iha krime, bainhira hetan imunidade, sei presta deklarasaun iha tribunal hanesan sidadaun nasional.

Lia hirak nee hato husi Jurista Manuel Tilman ba Jornalista sira iha nia knar fatin Praia Dos Qoqueros Segunda, (12/02/2018).

Lei atu hasai imunidade nee bainhira inkeritu hotu, akuzasaun husi ministeriu publiku haruka ba iha tribunal, no tribunal rekonese katak iha duni indisus provas sufisiente atu akuza, marka data julgamentu, notifika parlamentu nasional foti imuniade hodi ba presta deklarasaun. Foti imunidade atu ba presta deklarasaun hanesan sidadaun nasional, laos hanesan deputadu ka ministru,” dehan Tilman.

Nia Relata tan, bainhira hasai imunidade ona, laos julga ministru ka deputadu, maibe julga sidadaun neebe la kumpri nia obrigasaun. No kazu Vicente Guteres, too agora la hasai imunidade, tuir Tilman nia observasaun kong kali kong iha parlamentu nasional.

Jurista nee esplika, tuir lolos bainhira ofisial delijensia lori karta ba entreg iha sekretaria, tuir lolos haruka ba iha prezidente parlamentu, no prezidente parlamentu fo konesementu ba bankadas parlamentares, depois haruka ba ih komisaun etika lori ba plenaria, hodi fo votus sekreto, maibe sira la halo ida nee.

Iha fatin ketak, akademiku Luis Martins hateten, tuir lolos ema neebe hanesan membru governu, tenke hasai imunidade atu bele responsabel saida mak nia komete ona.

Terezinha De Deus | Suara Timor Lorosae