DILI, (TATOLI) - Partidu Kongresu
Nasionál Rekonstrusaun Timor (CNRT-sigla Portugés), Partidu Libertasaun Popular
(PLP), Partidu Kmanek Haburas Unidade Nasionál Timoroan (KHUNTO)
deside kandidatu deputadu V Lejizlatura, AMP avansa ho lista úniku
iha eleisaun Antisipada.
Xefe Bankada CNRT, Arão Noel
esplika objetivu Aliansa Mudansa ba Progresu (AMP) ne’ebé kompostu hosi
partidu CNRT, PLP, KHUNTO konkorda malu tan hakarak solusiona inserteza
polítika ho lalais liu.
“Partidu tolu halibur malu iha
bloku Aliansa Mudansa ba Progresu (AMP) hodi bele enfrenta de’it situasaun ida
agora no moris inserteza naruk ne’e bele ultrapasa lalais. Partidu tolu foti
desizaun avansa ho lista únika ida no soe tia interesse partidu nian, soe
egoízmu polítika ida-idak ninin no mai ita hamutuk tau interese nasionál iha
leten as ba”, Arão informa ba jornalista sira iha Parlamentu Nasionál, Ohin.
Nia dehan, bainhira AMP mak manan
iha eleisaun antisipada, sira sei forma governu iha fulan ida nia laran de’it.
Inklui aprezenta programa governu, Orsamentu Jerál Estadu (OJE) tinan 2018.
Justifikasaun ba prosesu la’o
lalais liu tanba tuir Arão partidu CNRT mai kedan iha tinan 2010 ho programa
bazeia ba Planu Estratéjiku Dezenvolvimentu Nasionál (PEDN).
Ho ida ne’e PEDN sei sai baze ba
AMP kontinua, AMP sei hadi’a di’ak liu tan buat ne’ebé seidauk di’ak no aumenta
programa ne’ebé seidauk implementa to’o oras ne’e tuir metas PEDN nian.
Nu’udar ema polítiku Arão espera
katak rezultadu eleisaun antisipada sei iha partidu ida bele manan ho maioria,
so nune’e de’it mak labele tan iha diverjénsia iha negosiasaun hanesan
esperiénsia formasaun sétimu governu.
“Kabe ba povu hodi deside, povu
deside ba saida mak nia atu hili mas hili ida agora iha eleisaun antisipada
ne’e importante tebes hodi determina timor ninian futuru,” Arão fó enkoraja.
Jornalista: Julia Chatarina | Editór:
Manuel Pinto
Imajen: Xefe Bankada CNRT, Arão
Noé. Foto Antonio Goncalves
Sem comentários:
Enviar um comentário