quarta-feira, 16 de maio de 2018

Governu Da-Ualu Tenke Ukun Ho Responsabilidade

PARTILHAR

DILI, (TATOLI) – Diretór Asosiasaun Direitu Umanu no Justisa (HAK-sigla indonézia), Manuel Monteiro, husu ba partidu koligasaun Aliansa Mudansa ba Progresu (AMP) ne’ebé manan eleisaun antesipada atu ukun ho responsabilidade.

ʺNu’udar sidadaun husu ba partidu polítiku no koligasaun atu jere konfiansa povu ho di’ak, tanba konfiansa povu ne’e sei la repete bainhira la ukun ho responsabilidadeʺ, dehan Diretór HAK ba jornalista  iha edifisiu Ministériu Defesa no Seguransa Kaikoli, ohin.

Monteiro hatutan fó konfiansa ba lideransa no partidu istóriku atu kria komunikasaun di’ak hodi forma governu ida bele metin hodi hametin Estadu no dezenvolve povu nia moris di’ak.

HAK mós husu atu partidu ne’ebé ukun atu tane aas interese povu no Estadu la’ós interese grupu no partidu.

Jornalista: Agapito dos Santos | Editora: Rita Almeida

Imajen: Diretór Asosiasaun HAK, Manuel Monteiro
PARTILHAR

Author: verified_user

Publicação luso-timorense sem fins lucrativos

0 comentários: