segunda-feira, 7 de maio de 2018

Kazu Kontentor Arguidu 2 Tama Prosesu

PARTILHAR

DILI - Tribunal Rekursu altera tiha ona desizaun primeira distansia konaba kontentor 9, neebe arguidu nain 3 halai lakon tiha ona ba Indonesia, maske TL halo ona akordasaun ida ho Indonesia atu buka tuir ema nee hodi intrega fila fali.

Kestaun nee fo sai husi Prokurador Jeral da Republika, Jose da Costa Ximenes ba Jornalista sira hafoin remata enkontru ho Prezidente da Republika, Francisco Guterres Lu Olo iha Palaciu Prezidensial Bairo Pite, Dili, Segunda, (07/05/2018).

“Hau hanoin Tribunal rekursu altera tiha ona desizaun primeiru distansia ba kazu kontentor 9 ninia, ema nain tolu halai lakon tiha ona ba indonezia no nain rua neebe maka iha, Tribunal rekursu altera primeiru destansia no agora sira kumpri ona, ida Timor oan no ida seluk sidadaun Indonezia ida agora iha ona Prizaun prevetiva, no nia prosesu kontinua lao nafatin,” informa  Prokurador Jeral, Jose da Costa Ximenes.

Nia afirma liu tan, laos kazu droga nee deit maibe, sei iha mos arguidu foun ida konaba droga hotu neebe kumpri ona pena balun, no sai husi neeba tama fila fali ba droga tan, no agora iha ona prizaun preventiva.

Iha fatin hanesan Prezidente da Republika Francisco Guterres Lu Olo mos, suporta total servisu setor justisa nian atu nafatin kompabate criminal ho tipu sira hanesan nee. 

Notisia kompletu lee iha jornal STL edisaun Tersa, (08/05/2018)

Madalena Horta/Lucia Ximenes | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: