segunda-feira, 7 de maio de 2018

CNE Observa Labarik Ki'ik Barak Envolve iha Kampaña

PARTILHAR

VIKEKE: Komisaun Nasionál Elisoes (CNE)  observa durante labarik lubuk ida inklui Funsionáriu Públiku balun partisipa ativu iha kompañia polítika ne’ebé hala’o daudaun.

Komisáriu CNE, José Belo informa katak, CNE observa iha kampaña FRETILIN,  no AMP iha Munisípiu Vikeke la’o di’ak, maibé dala barak envolve mós labarik sira.

Tuir nia katak, CNE ho komandu PNTL Vikeke koordena maka'as hodi asegura partidu partidu polítiku nune'e komísiu públiku iha Vikeke la’o hakmatek no labele mosu perturbasaun husi militante partidu seluk.

"Ita haree labarik barak partisipa hodi rona programa partidu nian iha situasaun ne'e,” dehan José ba jornalista iha Vikeke, Sábadu (5/5).

Nia dehan durante mini kampaña partidu polítiku ho koligasaun partidu sira halo labarik minoridade sempre uza atributu partidu no  funsionaliza públiku balun kontinua halai lakon hodi ativu kampaña.

Antes ne'e Komisaun Diretu ba Labarik, KFP, PDHJ, KAK aviza  ba inan aman sira atu labele lori labarik sira partisipa iha kampaña, maibé realidade inan aman maka sai autór lori oan sira tula iha motór no karreta hodi partisipa iha kampaña.

Artur da Luz | Independente
PARTILHAR

Author: verified_user

Publicação luso-timorense sem fins lucrativos

0 comentários: