Governu portugés kondena ona, iha
loron-kinta ne'e, liuhosi komunikadu, atentadu sira ne'ebé akontese iha loron
hirak ikus ne'e iha Surabaya, Indonézia, ne'ebé halo pelumenus ema na'in 14
mate, inklui autor sira.
"Governu portugés kondena
maka'as atentadu oioin ne'ebé maka akontese iha loron hirak ikus ne'e hasoru
ema kristaun sira ho ajente sira autoridade nian, iha Surabaya,
Indonézia", hakerek iha nota hosi Ministériu Negósiu Estranjeiru.
Tuir komunikadu, "instrumentalizasaun
hosi labarik sira hodi halo atake sira hanesan ne'e aumenta liután krueldade
hosi sira nia responsável sira no tenki hetan lalais kastigu hosi komunidade
internasional".
"Akontesimentu triste sira
ne'e konfirma nesesidade hodi reforsa koperasaun internasional, hodi prevene
estremizmu no halakon terorizmu, iha nia forma oioin no manifestasaun
sira", hakerek iha dokumentu.
Nota refere mós katak
"Governu portugés solidáriu ho Governu no populasaun indonéziu, ne'ebé nia
tradisaun hosi pluralizmu ho toleránsia, konsagra iha prinsípiu sira Pancasila
nian, sei la afetadu hosi asaun aat sira ne'e no aprezenta kondolénsia ba
vítima sira nia família, hato'o votu sira rekuperasaun lalais ba vítima sira
ne'ebé hetan kanek".
Iha loron-segunda liubá, Indonézia
hetan atake oioin, iha Surabay, ne'ebé família ida ho ema na'in lima, inklui
labarik ida, halo atentadu suisidu ida besik eskuadra polísia ida, halo
pelumenus ema na'in 10 kanek.
Atake ne'e akontese hafoin
atentadu suisidu oioin, halo loron ida antes hasoru igreja kristaun tolu iha
sidade. Pelumenus ema na'in ualu, ne'ebé asisti misa, mate, nune'e mós membru
na'in neen hosi família ida ne'ebé halo atentadu sira.
Atake sira loron-domingu ne'e
hanesan atake sira ne'ebé aat liu iha Indonézia dezde atentadu sira iha Bali,
iha tinan 2005, ne'ebé halo ema na'in 20 mate no ema na'in 100 resin kanek.
SAPO TL ho Lusa
Sem comentários:
Enviar um comentário