Polísia militar ida nia mate iha
loron-sesta madrugada ne'e iha Rio de Janeiro aumenta ona númeru ba na'in 51
hosi ajente seguransa sira ne'ebé mate iha estradu brazileiru ne'e, iha tinan
ne'e, divulga hosi imprensa brazileiru iha loron-sesta ne'e.
Tuir portal notísia G1, polísia
militar Eduardo da Silva Dias, tinan 48, mate iha loron-sesta madrugada ne'e.
Ajente tama iha Hospital Jeral
Nova Iguaçu, iha rejiaun metropolitanu hosi sidade Rio de Janeiro, iha
loron-kinta kalan, ho estadu ne'ebé todan tebes.
Polísia hetan tiru iha ulun iha
Viaduto da Posse, iha mós Nova Iguaçu. Ajente tama iha situasaun koma no dada
iis ho ajuda hosi aparellu maibé la konsege rezisti ba kanek sira.
Rio de Janeiro hetan hela
intervensaun militar iha fulan tolu liubá tanba violénsia maka'as ne'ebé maka
akontese iha estadu no, iha períudu ne'e, oho mós vereadora Marielle Franco no
nia motorista, Anderson Gomes, iha emboskada ida, iha loron 04 Marsu.
SAPO TL ho Lusa
Sem comentários:
Enviar um comentário