Iha rezolusaun kona-ba Komersiu,
Investimentu no Dezenvolvimentu Kadeias Valor nian iha Komunidade Nasaun sira
Lian Portugeza nian (CPLP) ne'ebé aprova iha reuniaun Konsellu-Ministru CPLP ba
dala 13, iha loron 16 liu bá, no ne'ebé maka divulga iha loron-kinta ne'e.
Ho objetivu atu "tranzmite
impulsu desizivu" ne'e iha kooperasaun ekonómika no emprezarial entre
nasaun CPLP sira no rekoñese katak tema ne'e "la iha avansu barak dezde
nia hari'i" hosi Komunidade, rezolusaun ne'e aprezenta medidas barak
ne'ebé maka Konsellu-Ministru hakarak atu adota.
Konsellu-Ministru deside
"afirma fali interese Estadu-Membru sira nia'an hodi promove
dezenvolvimentu fluxu komersiu nian no investimentu entre sira", hakarak
mos atu adota medida sira ne'ebé maka "hadia ambiente negosiu nian no hodi
dada besik ekonomia sira" atu nune'e "promove no fasilita kooperasaun
entre empreza no organizasaun emprerarial reprezentativa sira".
Iha rezolusaun ne'e halo mós
apelu ba Estadu-membru no obrservador asosiadu sira atu bele hetan modelu no
parseria finanseira sira ne'ebé fo "mobilizasaun rekursu nian" no
"diversifikasaun iha fonte finansiamentu ba empreendimentu sira ho impaktu
ne'ebé importante" iha ekonomia nasaun CPLP nian".
Iha nota ne'e divulga mós
interese iha kooperasaun entre Estadu-membru CPLP sira no obrservador asosiadu
sira, tanba relasaun ne'ebé metin permite "dada investimentu ba
dezenvolvimentu ekonómiku no sosial iha espasu Komunidade ne'e".
Konsellu-Ministru sira mos
destaka importánsia ba kriasaun kuadru jurídiku-institusional ida ne'ebé maka
bele halo "selebrasaun akordu sira atu evita repetisaun iha kontribuisaun
materia ba impostu nian" kona-ba empreza, ne'ebé "promove no proteje
investimentu sira" no "fasilita mobilidade emprezariu sira
nian".
Iha final, Konsellu-Ministru sira
enkoraja ministru sira ne'ebé iha knaar iha area komersiu,ekonomia no finansa
Estadu-membru sira nian atu halao hamutuk too fulan Jullu 2019 ba definisaun ba
"estratejia ida no medida hodi aumenta komersiu, investimentu no
dezenvolvimentu kadeias valor CPLP nian".
Angola, Brazil, Cabo Verde,
Guiné-Bisau, Guiné Ekuatorial, Mosambike, Portugal, São Tomé & Prínsipe no
Timor-Leste maka halo parte hanesan Estadu-membru CPLP nian.
SAPO TL ho Lusa
Sem comentários:
Enviar um comentário