domingo, 5 de agosto de 2018

EUA kritika "dúvida" Koreia-Norte nian konabá deznuklearizasaun

PARTILHAR

Sekretariu Estadu norte-amerikanu, Mike Pompeo, afirma iha loron-sesta ne'e katak "iha dalan ida atu halo" ba desnuklearizasaun Koreia-Norte nian ne'e no nia konsidera katak Pyongyang atua ho dúvida ho kompromisu ne'ebé asume tiha ona.

Pompeo, ne'ebé koalia bainhira too iha Singapura hodi tuir reuniaun ida ministru sira Negósiu Estranjeiru Asosiasaun Nasaun sira Sudeste Asiátiku (ASEAN) nian, no nia mak responsável ba administrasaun norte-amerikana nian ba aplikasaun kompromisu sira ne'ebé halo iha simeira entre prezidente norte-amerikanu, Donald Trump, no líder norte-koreanu, Kim Jong-un, iha loron 12 Juño.

Mike Pompeo ba Pyongyang dala tolu dezde fulan-Abril, akompaña Trump iha simeira no, tuir departamentu Estadu, karik sei halao reuniaun ida ho homólogu norte-koreanu, Ri Yong Ho, hafaoin ASEAN, maibe seidauk konfirmadu.

"Prezidente Kim promete tiha deznuklearizasaun. Mundu husu ba nia atu halo rezolusaun iha Konsellu Seguransa ONU nian. Bainhira sira atua ho dúvida ba ida ne'e, sira viola ona rezolusaun ida ka rua ne'e hotu, ami hare katak iha dalan ida hodi halo atu atinji rezultadu ne'ebé ami buka", hatete xefe diplomasia norte-amerikana ne'e ba imprensa iha Singapura.

Jornal norte-amerikanu Washington Post informa iha loron-segunda ne'e, tuir fonte sira serbisu informasaun sira norte-amerikanu ne'e, hatete katak tuir foto satélite sira ne'e, rejime norte-koreanu konstrui hela mísil interkontinental sira ida ka rua iha instalasaun Sanumdong, iha sudoeste kapital nian.

Trump no Kim reúne iha fulan-Juñu iha simeira istóriku ida, iha Singapura, ne'ebé maka sira na'in rua promete hodi harii paz duradoura no estável iha península koreana no serbisu ba "deznuklearizasaun total" península ne'e nian.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: