domingo, 5 de agosto de 2018

Deskonfia Laen Amante, ZA - SA Hurlele Malu

PARTILHAR
DILI - Arguidu ZA hanesan laen, ho lezada SA hanesan fen purada malu, tanba deit lezada deskonfia arguidu amante ho feto seluk.

Husi diskusaun nee ZA halo agresaun hasoru nia kaben SA. Konsekuensia husi arguidu nia hahalok nee, lezada sente moras iha iha tilun hun parte loos, tanba arguidu dudu lezada monu ba rai.

Arguidu hanesan autor ba krime violensia domestika ho forma ofensa integridade fisika simples neebe previstu iha artigu 145 iha kodigu penal, no lei violensia domestika numeru 07/2018. No arguidu mos pratika krime ameasa iha artigu 157 husi kodigu penal.

Hatan ba faktus nee, arguidu deklara katak, faktus loos hotu.

Hau la baku lezada, maibe ami diskuti malu hau lori liman dudu deit, nee mak lezada monu. Mosu diskusaun tanba, lezada deskonfia hau ho feto seluk, ”deklara arguidu iha sala julgamentu.

Arguidu mos arepende ba nia hahalok, no promete sei la halo tan hahalok nee, iha futuru.
Lezada afirma, mosu diskusaun tanba lezada hare xavi motor feto nian iha arguidu nia kalsa bolsu.

Audensia julgamentu nee, prezide husi Juis Singular Ana Paula, Ministeriu Publiku reprezenta husi Prokurador Nelson Carvalho, arguidu hetan asistensia legal husi Advogadu Estajiadu. 

Notisia kompletu lee iha jornal STL edisaun Segunda (6/08/2018)

Terezinha De Deus | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: