DILI, (TATOLI) – Komisaun
Funsaun Públika (KFP) oras ne’e hahú prosesa kesar balun kona-ba involvimentu
funsionáriu públiku ne’ebé uza patrimoniu Estadu hodi partisipa iha prosesu
kampaña eleitorál durante Eleisaun Antesipada (EA).
Prezidente KFP, Faustino Cardoso,
hateten ninia parte simu ona relatóriu hosi Provedoria Diretu Umanu no Justisa
(PDHJ-sigla portugés) hodi prosesa tuir lei.
“KFP simu ona relatóriu PDHJ
nian, ami hatene iha lista funsionáriu barak, tanba ne’e ha’u enkamina ona ba
komisáriu ne’ebé toma konta indisiplinárʺ,
dehan Faustino Cardoso ba jornalista sira iha edifísiu Ministériu Públiku
Kolmera.
KFP maka sei prosesa kesar sira
ne’ebé kategoria indisiplinár, enkuantu kazu krime sei relata ba Ministériu
Públiku.
Prokuradór Jerál Repúblika, José
Ximenes, hateten seidauk simu relatóriu hosi PDHJ. “Maibé kuandu simu mós ita
haree, investiga no ita tenke respeita prezunsaun inosénsia, rona sira hotu,
loos duni ka la’e, tanba ida ne’e relatóriu de’it ita presiza investigaʺ, tenik nia.
Relatóri PDHJ ne’ebé lansa foin
lalais, rejista kesar funsionáriu públiku uza patrimóniu Estadu durante kampaña
EA kuaze atus resin.
Jornalista: Agapito dos Santos | Editora:
Rita Almeida
Imajen: Prezidente KFP, Faustino
Cardoso. Foto Egas Cristovão
Sem comentários:
Enviar um comentário