quarta-feira, 1 de agosto de 2018

MP Asina MoU Ho CFP, Ligadu Krime-Aktus

PARTILHAR
DILI - Ministeriu Publiku asina nota de entendementu ho Comisaun Funsaun Publiku, atu halo koperasaun diak liu tan, hodi haree ba krime no aktus neebe akontese.

“Ohin Comisaun Funsaun Publiku hamutuk ho Prokurador Jeral Da Republica, halao asinatura nota de entendementu ida, konaba kolaborasaun koperasaun instituisional, iha kestaun sira ligadu ho kirme no aktus administrativu disiplinares, neebe maka akontese. Tanba nee ejije instituisaun rua servisu hamutuk, atu oinsa bele asegura integridade estadu, no integridade Funsaun Publiku,” dehan Prezidente Comisaun Funsaun Publiku, Faustino Cardoso ba Jornalista sira iha Salaun PJR Kuarta (01/08/2018).

Nia afirma tan, iha aspetu atu troka informasaun dokumentus, ligadu ho prosesu disiplinares no administrativa, no mos krime sira neebe envolve funsionariu Publiku sira.

Iha fatin hanesan, Prokurador Jeral Da Republika Jose Ximenes hateten, koperasaun nee lao tiha ona, no asina memorandu de entendementu nee, atu bele haluan liu tan koperasaun neebe iha. 

Notisia kompletu lee iha jornal STL edisaun Kinta (02/08/2018) 

Terezinha De Deus | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: