Dili - Ministeriu Publiku
liu husi alegasaun, ba arguidu neebe espalha sira nia video iha facebook,
solisita ba iha Tribunal atu absolve arguidu ho inisial PJ, tanba faktus neebe
iha akuzasaun, la provadus.
Arguidu iha akuzasaun komete,
krime Devasa iha artigu 185 hateten katak, ema neebe ho meiu maski lisitu,
hatene faktu kona-ba ema seluk nia vida privada ka seksual no, sem ema nee nia
konsentimentu no sem kauza justa, fo sai faktu sira nee publikamente, sei hetan
pena prizaun too tinan 1 ka multa.
No Atu halao prosedimentu
kriminal tenke iha keixa.
MP hare katak, arguidu konfesa ba
faktus katak, arguidu halo duni relasaun ho lezada inisial AM, iha Hotel
Sebastiao Colmera.
No arguidu mos konfesa, nia halo
duni gravasaun, iha sira nain rua nia relasaun nee, maibe depois de hotu
arguidu hatudu video nee ba iha lezada, maibe lezada la iha reasaun.
Iha momentu neeba, arguidu fila
mai iha uma, no arguida nia feton mak kaer telefone hodi hare video nee, no
hatudu ba arguidu, maibe arguidu haruka nia hamos tiha.
Maibe ikus mai, video nee dehan
mosu fali iha facebook, ida nee arguidu la hatene, tanba arguidu halo video
nee, hanesan sira nia segredu. Maibe laos ho intensaun atu hatama iha media
sosial.
Tanba nee, MP konklui katak
arguidu laos ho intensaun halo video nee, atu tau iha media sosial, maibe nee
rai hanesan segredu sira nian. Tanba nee la provadus katak, arguidu komete
krime Deva nee.
Ho kestaun sira nee, MP solisita
ba iha Tribunal atu absolve arguidu husi krime neebe imputa ba iha arguidu.
Enkuantu husi parte defeza
arguidu nian, solisita ba Tribunal atu absolve arguidu, tanba arguidu laos
publika video sira nian iha media sosial.
Rona tiha husi parte rua,
Tribunal adia hikas ba loron 20 fulan Novembro oras tuku 16:00 hodi rona
leitura sentensa.
Informasaun kompletu iha STL Jornal,
edisaun Tersa (6/11/2018)
Terezinha De Deus | Suara
Timor Lorosae
Sem comentários:
Enviar um comentário