DILI, (TATOLI) - Primeiru-Ministru
(PM), Taur Matan Ruak, hatete impase polítika ne’e hotu bainhira Prezidente
Repúblika hakarak.
“Tanba ha’u hanesan
Primeiru-Ministru hatete katak laiha razaun atu lafó tomada pose ba membru
Governu sira ne’ebé señor Prezidente lafó pose ne’e”, Taur afirma iha
Parlamentu Nasionál ohin, kuandu hatán pergunta husi deputadu Adriano do
Nascimento sobre bainhira loos maka impase polítika ne’e hotu ne’ebé maka liga
ho ministru sira ne’ebé seidauk iha, iha ámbitu aprezentasaun Orsamentu Jerál
Estadu 2019 iha jeneralidade.
“Tanba nee atu haree dezempeñu
servisu Estadu nian, atu ezekuta programa no orsamentu. Se ministru sia ne’e
laiha señor Agio Perreira mak ministru de’it ne’e halo oinsá atu ezekuta osan
boot ne’e”, Adriano haktenik iha Parlamentu Nasionál, ohin.
Taur responde katak diálogu ho
Prezidente Repúblika sei nafatin. “Ha’u hatene katak señor Prezidente Repúblika
hanesan órgaun másimu, símbolu nasaun, nia mak tau matan ba nasaun tomak nia
estabilidade, nia funsionamentu instituisaun Estadu, Prezidente hatene katak ho
ema sira, membru sira ne’ebé seidauk toma pose difikuldade loos ba ha’u-nia
Governu, mas ha’u prontu para halo servisu no iha pasiénsia nafatin ba hein
to’o desizaun Prezidente nian. Tanba ne’e ami hein to’o bainhira maka Prezidente
hanoin katak tenke fó pose ba membru sira ne’e”.
Jornalista: Maria Auxilidora | Editór:
Manuel Pinto
Imajen: Primeiru-Ministru (PM),
Taur Matan Ruak
Sem comentários:
Enviar um comentário