Reprezentante timoroan ba Tasi
Timor, Xanana Gusmão, hatete iha loron-sesta ne'e kaak investimentu sira iha
konsorsiu Greater Sunrise nian hanesan pasu ida iha dezenvolvimentu ba
industria petrolifera nasional ida, no hafoin ne'e, iha diversifikasaun
ekonómika.
"Timor-Leste rekoñese katak
diversifikasuan ba ekonomia ida bazeada iha rekursu hanesan maneira ida ne'ebé
sensata hodi rezolve problema potensial sira ne'ebé asosiada ho dependénsia ba
rekursu", hatete Xanana Gusmão, ne'ebé maka koalia iha Abu Dhabi, iha Emiratus
Árabes Unidus, iha enkontru espesial fechadu ho lider mundial sira iha setor
enerjia nian, iha loron dahuluk Forum Enerjia Global Konsellu Atlántiku nian.
"Ami mós rekoñese katak la
iha fórmula májika ida konabá oinsá alkansa lalais diversifikasaun ne'e -
fomenta diversifikasaun ne'e hanesan prosesu longu prazu ida", nia
konsidera, tuir diskursu ida haruka ba Lusa.
Xanana Gusmão, ne'ebé maka sei
interven iha painel debate ida iha enkontru iha loron-sabadu, admiti katak iha
nasaun ne'ebé iha dezenvolvimentu hela "ne'ebé maka bolu hanesan
'maldisaun rekursu' bele rezulta iha Estadu falladu sira, estagnasaun no
korupsaun", maibé ne'e depende ba lider sira rumu ida ne'ebé maka sira
hakarak ba sira nian nasaun.
"Ha'u hare buat barak ona
iha ha'u nian moris hodi bele torna prizioneiru ida ho ideia 'maldisaun rekursu
nian'. La iha rezultadu inevitável iha vida, ka vida nasaun sira nian",
nia afirma.
"Lideransa maka deside se
rekursu sira ne'e hanesan maldisaun ka rumu ba futuru ida ne'ebé prosperu.
Infelizmente, iha nasaun subdezenvolvidu sira ka ne'ebé maka iha hela
dezenvolvimentu, sei eziste obstakulu politiku barak, liu-liu egu ne'ebé maka
hatudu hosi lider politiku sira ne'ebé maka impede prosesu suave ida iha
diresaun ba demokrasia no mós ba dezenvolvimentu povu no nasaun sira
nian", nia konsidera.
Eis-Prezidente no
eis-primeiru-ministru Timor-Leste nian refere mós ba akordu sira iha final
tinan kotuk nian ba sosa partisipasaun ConocoPhilips no Shell nian iha
konsorsiu Greater Sunrise, ho valor total ida hamutuk dolares millaun 650.
Xanana mós hatete katak
investimetu sira "reprezenta pasu importante ida" hodi "bele
hodi gazodutu ba Timor-Leste" no konstroi industria petrolifera nasaun
nian.
"Ida ne'e fundamental hodi
garante katak empregu ho industria sira ne'ebé maka mai hosi rekursu
Timor-Leste nian, permanese iha Timor-Leste - iha ita nian kotuk no ba ita nian
povu", nia afirma.
Ida ne'e konabá desizaun polémika
ida, ne'ebé maka fahe opiniaun publika iha Timor-Leste, ne'ebé maka halo
alterasaun ba lei atividade petrolifera ne'ebé maka aprova hosi maioria Governu
nian iha parlamentu, no veta tiha hosi Prezidente no aprovada fila fali hosi
bankada sira ezekutivu nian, iha semana ne'e, iha sesaun boikotada hosi partidu
ho asentu boot iha parlamentu, Fretilimn (iha opozisaun).
Kompra sira ne'e inskrita iha
Orsamentu Jeral Estadu nian (OJE) ba tinan 2019 - tanba ne'e maka sai hanesan
orsamentu ne'ebé ass liu iha istoria Timor-Leste nian, no ne'ebé maka agora
daudaun ne'e analiza hela hosi Prezidente Republika.
Sosa ba partisipasaun sira
ConocoPhilips ho Shell nian garante "maioria ida iha Greater Sunrise,
kampu gás nian boot ida iha sudeste Aziatiku", hatete Xanana Gusmão, no
asegura "70% reseita sira" ba Timor-Leste, tanba ne'e importante aproveita
ho forma hodi garante futuru nasaun nian.
"Ho kestaun priorida´de sira
no jurisdisuan konabá rekursu rezolvida sira, ami bele avansa ho planu
dezenvolvimentu ba ninian esplirasaun", nia subliña.
Nu'udar mós responsavel Gabinete
Fronteira Maritima sira nia hatete katak rekursu naturais sira hanesan
"baze ba ekonomia diversifikada", ne'ebé maka eziji "planeamentu
ba longu-prazu no instituisaun efikaz ne'ebé maka hatan ba nesesidade ema sira
ne'ebé maka presiza".
Sentral ba prosesu ne'e, rekorda,
Fundu Petroliferu ne'e - hahú iha tinan 2005 ho valor dolares millaun 205, no
finansia Estadu dezde ne'eba no agora iha saldu ida besik dolares millaun
17.200.
"Ami determinadu hodi iha
susesu. Ami asegura paz no ami konsolida ho ami nian Estadu. Ami konstoi nasaun
livre no demokrátiku, ho ekonomia ida nakloke no respeitu ba primadu direitu
nian no ba dignidade ami nian povu nian", nia hatete.
SAPO TL ho Lusa
Sem comentários:
Enviar um comentário