Karreta Estadu Labele Tula Povu, Kontra Pensamentu Polítiku no Jurídiku

DILI: Jurista timoroan kontra bainhira governu kria lei hodi bandu karreta estadu labele tula povu, tanba ne’e kontra pensamentu polítiku no jurídiku.

Jurista Avelino Coelho, hato’o lia hirak ne’e bainhira sai oradór iha semináriu nasionál ne’ebé organiza husi Universidade da Paz (UNPAZ) ho tema “Movimentu Patriotizmu Konstitusionál: Konxiénsia Kritika ba Nasaun”.

Nia dehan, kontra lei ne’ebé bandu karreta estadu labele tula povu ho argumentasaun Povu mak Estadu no Estadu mak Povu.

Atu defende marxizmu-leninizmu ne’e fundamenta konseitu marxista-leninista dehan, Estadu ne’ebé minoria organizada hodi esplora maioria. Ne’e konseitu, maibé konkorda ka lae, ne’e diskutivel.

“Bahasa karik dehan nune’e kaum minoritas yang menorganisir diri atas nama negara untuk menindas kaum maioritas. Ne’e postuladu. Iha konseitu rua saida mak Estadu, konseitu dehan organizasaun polítika sidadaun define Timor-Leste ne’e Estadu mak povu no povu mak Estadu, halo fali lei dehan karreta estadu labele tolu povu,” dehan Avelino, iha UNPAZ, Sábadu (8/8).

Nia hatutan, envolve direita iha momentu diskute lejizlasaun, maibé la fundamenta ninia pareser iha prosesu ne’e.

“Kuandu ami diskute Estadu atu halo lejizlasaun karreta estadu labele tula povu, labele tula kondutór nia família, povu la’o iha estrada karik labele tula. Ne’e kontradisaun iha pensamentu polítiku no jurídiku. See Estadu mak Povu no Povu mak Estadu, Povu mak na’in ba Estadu, nia mak parte integrante ba Estadu, nusa mak karreta estadu labele tula fali kondutór nia oan sira. Ne’e problema,” dehan nia.

Nia fó ezemplu, karreta estadu ne’ebé hakerek Ministériu Agrikultura labele tula família ne’e problema, tanba governu órgaun dinámika.

“Ne’e kontradisaun ne’ebé ita hamosu iha sosiedade, mau ke kiri maju, mau ke kanan senang, ne’e problema ne’ebé ita hasoru iha prosesu saida mak estadu. Demokrasia ninia ukuran mak minoria submete ba maioria,” dehan nia.

Aquino Gomes | Independente