Dili, 10 Agostu 2020 :
Primeiru-Ministru Taur Matan Ruak, prezide reuniaun ne’ebé realiza iha palásiu
Governu, ohin, ho liña ministeriál sira hodi diskute kona-ba implementasaun Estadu
Emerjénsia etapa da-haat nian.
Iha reuniaun ne’e, Governu
konkorda proposta hosi Vise Ministru Interiór, kona-ba mudansa ema tama mai
teritóriu Timor-Leste, ne’ebé iha anteriór, autoriza iha loron kuarta kada
semana ema tama teritóriu laran, enkuantu ho alterasaun ne’e, autoriza de’it
iha kada loron 17.
Entretantu, kona-ba sasán
nesesidade báziku nian, kontinua mantéin despaisu anteriór nian, katak autoriza
tama iha kada loron kuarta de’it. Mudansa ne’e ho objetivu atu fó espasu ba
Ministériu Saúde liuliu atu halo jestaun ba kuarentena, ligadu ba ijiene no
kapasidade kuarentena nian.
Fonte: Mídia Gabinete do Primeiro
Ministro (GPM)
Sem comentários:
Enviar um comentário