sexta-feira, 11 de setembro de 2020

Organizasaun sira husu ba ONU atu investiga violasaun direitu ema nian iha Xina


ONG hamutuk 300 resin insisti iha loron-kuarta ne'e ba ONU hodi kria mekanizmu internasional ida hodi investiga violasaun sira ba direitu ema nian iha Xina ho husu ba líder sira hosi organizasaun hodi "reaje ho forma desizivu".

Iha karta aberta ida ne'ebé diriji ba sekretáriu-jeral ONU nian, António Guterres, ba Komisária Aas ba Direitu Ema nian, Michelle Bachelet, no ba Estadu membru sira ONU nian, organizasaun sira, ho orijen hosi nasaun hamutuk 60 resin, husu ona "medida desizivu sira hodi proteje liberdade fundamental sira iha Xina" no denunsia "violasaun maka'as sira hosi direitu ema nian ne'ebé Xina halo iha Hong Kong, Tibet ho Xinjiang".

Organizasaun sira denunsia mós "eliminasaun hosi informasaun sira iha kontestu hosi pandemia COVID-19, atake sira hasoru defensor sira direitu ema nian, jornalista sira, advogadu sira ho krítiku sira Governu nian iha nasaun tomak".

Organizasaun sira ne'e akuza rejimi xinés hodi indika hanesan objetivu ema sira ne'ebé defende direitu ema nian iha estranjeiru, halakon liberdade intelektual iha exterior Xina nian no sensura internet.

Sira denunsia mós saida maka sira konsidera hanesan tentativa ida hosi Xina hodi bandu "inisiativa sira ne'ebé hakarak ezamina violasaun todan sira hosi direitu ema sira nian ho krimi internasional sira ne'ebé halo iha nasaun sira iha mundu tomak", akuza Pekin hodi muda mandatu hosi Konsellu Direitu Ema nian hosi ONU".

"Estadu ida ne'ebé esforsa hodi sai superior hosi eskrutíniu krítiku reprezenta ameasa fundamental ida ba direitu ema sira nian. Faktu tanba hanesan Xina - estadu ne'ebé dotadu hosi kbiit mundial estraordináriu ida - afeta ita hotu", afirma hosi signatáriu sira.

Sapo TL | Lusa

Sem comentários: