DILI, STLNEWS.co - Membru Konsellu Polisia Komunitaria (KPK), tenke sai auxiliar ba Polisia, sira labele sai fali autor ba krime hodi apoiu grupu balu.
Komandante Polisia Nasional Timor Leste (PNTL), Superintendente Xefe Henrique da Costa hatete, hakarak fo hanoin ba membru KPK sira, atu labele sai fali hanesan autor ba iha krime ruma, tanba KPK tenke sai lolos ba Polisia hodi ajuda servisu Polisia.
“Konsellu Polisia Komunitaria atu labele apoiu fali grupu sira, tantu A ka B no labele inklui iha grupu neebe sempre kria problema, ida nee proibidu ba membru KPK sira,” dehan nia ba Jornalista sira, iha nia knaar fatin Caicoli, Dili, (06/10/2020).
Nia deklara, iha duni membru KPK balun neebe envolve iha krime, hetan duni prosesu maibe konsidera normal tanba PNTL balun deit sei iha krime, tanba nee prosesu lao ba ema hotu.
“Ami hakarak fo hatene nafatin ba membru KPK sira, atu bele hasae sira nia
konesementu, bele evita hodi hadook aan husi hahalok krime sira,” dehan nia.
Henrique hatutan, ba membru balun neebe komete krime, tenke responsabiliza ba sira nia aktu, tanba nee bainhira autoridade lokal hanesan xefe suku no xefe aldeia sira identifika, fo ba parte PNTL, katak membru ida nee komuirete ona krime neebe iha. *
Suara Timor Lorosae | Reportajen: Santina Castro | Editora: Carme Ximenes
Sem comentários:
Enviar um comentário