DESKONFIA HALO TRAFIKU HUMANU, ELA SIMU TIR

DILI -Tribunal Distrital Dili halao audensia primeria interogatorio ba suspeitu ho naran Ela hodi aplika pena Termus Identidade Residensia (TIR), tanba diskunfia halo trafiku humanu ba lezada Lala.

Liu husi audensia julgamentu tribunal aplika pena mediasaun hodi aplika TIR, neebe kada semana arguidu tenke halo aprejentasaun iha estasaun polisia nian. Audensia nee rasik taka ba publiku.

Diario nee tenta hetan informasaun husi suspeitu ho naran kompletu Apolinario, naran konesidu Ela katak, nia la hatene kona ba problema nee no nia rasik la hatene lezada nee agora hela iha neebe. Derpenti deit iha loron 22 fulan Abril 2015 tuku 10:00 dader polisia sira ba kaptura nia iha uma halo nia hakfodak. Nunee polisia lori mai iha sela mak dehan nia halo trafiku humanu ba lezada Lala.

Hau la fan nia ida, mais derpenti deit polisia ba kaer hau dehan hau fan fali Lala ba katuas sira. Hau servisu hodi ajuda iha salon Yuni Balide, no lezada nee hanesan ami nia bizinu tanba ami hela besik malu. Lezada nee ba bebeik iha salon nee, mais hau la fan nia ba ema tanba hau nunka simu $0,05 husi ema,” dehan nia iha TDD, Sesta (24/04/2015).

Nia hatutan, antes nee lezada maka hakbesik ba nia hodi husu katak arguidu atu buka fodik katuas ida ba nia. Maibe arguidu dehan katuas la mai iha salon neebe nia servisu ba. Neebe nia la hatene hela fatin lezada nian, tanba nia la hatene. Informasaun komletu iha STL Jornal no STL Web, edisaun Sabado (25/4/2015). Domingas Gomes

Suara Timor Lorosae