Prosesu Juis Internasional Fila TL, Governu Sei Diskute iha Konferensia MJ CPLP

DILI - Atu koopera fila fali servisu juis internasional ho juis Timor oan, sei diskute liu husi konferensia ba dala XIV husi Ministru justisa pais lingua Portugues nian ka CPLP neebe sei halao iha loron 22-23 fulan nee iha Dili.

Liu husi konferensia imprensa, Ministru Justisa Ivo Valente hatete, RDTL sei sai uma nain ba konferensia dos Ministeriu Justisa dos pais lingua ofisial Portugues nian. Iha konferensia nee sei diskute kona ba kooperasaun servisu juis internasional nian nomos asuntu seluk neebe importante iha area justisa nian.

Nia hatutan, nee hanesan pasu historia ba TL hanesan pais neebe hola parte iha altu nivel komunidade lingua Portugues nian. TL hola parte inkontru ida nee ba dala rua hahu iha 2003 iha Brazil no agora ba dala XIV iha TL. Inkontru nee hanesan nivel internasional neebe halao tinan rua dala ida.

Objetivu husi konferensia neemak involve pais lingua ofisial Portugues nian, no tema principal iha konferensia neemak atu fo importansia ba rai. Asuntu nee importante ba inkontru ida nee hodi desenvolve komunidade iha pais lingua ofisial Portugues nian. Laos deit tema official neemak sai importante maibe sei aborda kestaun sel-seluk iha futuru ba pais lingua Portugues nian,” tenik nia.

Konferensia ba XIV iha Dili sei rona mos rejultadu husi komisaun trabalho nian husi konferensia uluk neebe mak halao iha Maputu, rejultadu rua neebe mak TL kona ba trafiku humanu, no korupsaun tranzisoens interasional nian no protesaun ba labarik iha pais CPLP nian. Informasaun kompletu iha STL Jornal no STL Web, edisaun Sesta (19/6/2015). Domingas Gomes

Suara Timor Lorosae