Asosiasaun
Jornalista Timor Lorosa’e (AJTL), organiza formasaun hakerek nutisia ‘Feature’
ba jornalista nain 20 husi radio, televizaun, jornal no Online.
Presidente
AJTL Tito Filipe hatete, formasaun ida ne’e mai husi observasaun ne’ebe AJTL
halo ba media Timor katak, maioria media iha Timor-Leste laduun fo atensaun ba
modelu hakerek nutisia features, media toman liu hakerek media direita ka
straight news.
“Ita
presiza konsidera feature hanesan modelu notisias ne’ebe bele dada atensaun
audiensias sira. Liu husi formasaun durante loron lima, AJTL espera bele
aumenta tan koñesimentu jornalistas konaba hakerek feature, no bele mos hasa’e
kuantidade produsaun notisias feature ba media iha rai laran,” dehan Tito
bainhira hala’o abertura ba formasaun ne’e, Segunda (03/08) iha salaun Otel
Vila Verde, Dili.
Formasaun
ne’ebe hala’o durante loron lima (03-07 Agusto 2015) ne’e mos, tuir Tito,
hanesan meius ida atu provoka interese jornalista sira hodi bele kompete iha
Premiu Balibo Five Award, ne’ebe organiza husi AJTL iha tinan 2015 ne’e nia
laran.
Formador
ba formasaun ida ne’e mak Yohanes Adrianus RH, jornalista husi agencia notisias
Indonesia (ANTARA) no mos membru Aliansi Jurnalis Independen (AJI) Kupang.
Formasaun ida ne’e bele realiza tamba servisu hamutuk AJTL ho Sekretaria Estadu
Komunikasaun Sosial (SEKOMS).nes
Jornal
Nacional
Sem comentários:
Enviar um comentário