LABELE KOALIA BOSOK IHA TRIBUNAL

DILI - Tribunal husu ba sidadaun neebe presta ona deklarasaun iha Ministeriu Publiku, labele koalia bosok iha julgamntu.

Liu husi sala audensia antes atu halo julgamentu tribunal sempre fo hanoin ba arguidu, vitima no sasin sira atu labele koalia bosok ou fo deklarasaun neebe lalos iha julgamentu nia laran. Sekuandu fo deklarasaun neebe lalos, tribunal sei halo setidaun extraia ba iha ministeriu publiku hodi halo akuzasaun foun ho krime falsa deklarasaun neebe previstu iha artigu 287 kodigu penal  TL hasoru ema neebe bosok iha tribunal laran.

Iha fatin hanesan Ministeriu Publiku husu ba vitima neebe mak fo ona nia deklarasaun iha MP atu labele bosok bainhira iha julgamentu. Bainhira bosok, MP sei akuza fali vitima sira ho krime falsa deklarasaun.

Tuir nia katak, iha vitima barak mak mai iha tribunal tanba deit atu salva sira nia kaben. Entaun sira tenke koalia bosok hodi halai ses tiha husi deklarasaun neebe mak sira deklara iha PNTL ho MP nian.

Nunee mos Juis Jose Maria de Araujo husu ba vitima neebe fo ona sira nia deklarasaun iha ministeriu publiku, atu labele muda fali liafuan bainhira mai iha tribunal. Bainhira ema ida ka vitima ida ba halo keixa no fo deklarasaun iha PNTL ho MP, neemak junta iha autos bainhira mai  julgamentu iha tribunal, tanba nee vitima labele muda fali liafuan neebe mak junta ona. Informasaun kompletu iha STL Jornal no STL Web, edisaun Sabado, (12/9/2015). Domingas Gomes

Suara Timor Lorosae