MERKADU ERMERA INSUFISIENTE, NEGOSIANTE FA’AN TO’O LIUR

Kondisaun merkadu postu administartivu Gleno municipiu Ermera ne’eb mak kik tebes difikulta neosiante sira tenki fan sasan to sai mai iha Estrada ibun no bainhira tempu basar halo negosiante sira tenki hadau mali fatin.

Adelino Martins hanesan negosiante hatete, kondisaun merkadu iha Gleno ne’e kik duni halo sira tenki isin moris buka fatin fan sasan bainhira tempu basar I dala ruma mos sira susar atu rai hotu sira nia produtu lokal n’ebe sira atu fan, tanba fatin ne’ebe sira hetan atu fan ne’e kik tebes.

‘’Ita nia maluk fan nain sira barak, tan ne’e ita hetan fatin kik-kik ne’e duni halo ita susar atu fan ita nia produtu lokal barak, tana fatin la to,’’ dehan Adelino ba jornalista sira iha merkadu postu administrativu Gleno municpiu Ermera, Kinta (15/10/2015).

Iha fatin seluk Administrador Munisipiu Ermera, Victor dos Santos hatete, kondisaun merkadu municpiu rasik oras ne’e dadaun la vaforse ona ba negosiante sira atu uza, tanba fatin kik liu no fasilidade balun komesa at ona, tan ne’e desde tinan kotuk sira hanesan Ermera oan oferese ona fatin ba Governu atu hari fali merkadu foun iha Ermera.

‘’Ami mos tinan kotuk ne’e ho ekipa MCIA nian mai hare ona fatin ida atu muda provisorio negosiante sira ne’e, maibe la sufsiente atu akomoda negosiante sira ne’e, tanba agora merkadu kik bainhira basar negosiante sira fan sasan to sai mai liur, tan ne’e ami lahetene atu tau tan sira iha ne’ebe,’’ kulia Vitor.

Nia husu ba MCIA iha tinan oin mai ne’e bele halo ona proposta hodi hadia merkadu central Ermera nian ne’e atu nune’e bele akomoda negosiante sira ne’e no prepara mos ba fatin terminal, tanba fatin ne’ebe mak komunidade Ermera ne’e rai ho luan ho hectares 3 no rai ne’e mos hetan ona levantamentu dadus husi Sektretariado Estado Teras Proprioridades (SETP) sira hein katak tinan oin mai bele hadia ona sira nia merkadu, maibe tuir Vitor katak, tinan oin mai mak Governu nafatin la tau atensaun ba merkadu ne’e atu halo rehabilitasaun mak sei fo impaktu ba sira sei fo impkatu ba sira liu-liu ba negosiante sira.

Hatan ba prekupasaun ne’e vise Ministru Comersiu Industria e Ambiente (MCIA) Filipus Nino Pereira rekunese duni katak, kondisaun merkadu Gleno kik duni no la sufsiente ona atu akomoda negosiante sira, tan ne’e difikulta tebes negosiante sira atu fan sira nia sasan.

‘’MCIA iha ona kordenasaun ho administardor municipiu Ermera iha planu atu kontrui fali merkadu ne’e I sira rasik mos oferese ona rai hectares 3 tinan oin ministeriu tau ona ne’e iha planu para halo nia deznehu ho BIQ ita tau orsamentu espera tinan oin mai bele lao,’’ esklarese Nino Pereira.

Alende ne’e iha kada merkadu iha municipiu hotu iha jestaun merkadu nian, ne’ebe tuir rejimentu merkadu nian MCIA halo deit superviziona no mos halo manutenasaun ba merkadu, maibe atu halo jestaun ne’e parte administrasaun municipiu nian. nia

Grupu koperativa-industria balun halai lakon

Sebastião Lemos hanesan funsionario iha CCI Ermera husu ba Ministeriu Comersiu Industria e Ambiente (MCIA) atu fo suporta ba grupu koperativa ho industria kik sira tenki kuidadu, tanba iha grupu koperativa ho industria barak mak hetan tiah suporta husi Governu, maibe grupu ne’e lakon tiha sira nia koperativa ka industria mos la lao.

‘’Ami mos to agora seidauk iha dadus klaru husi MCIA ba grupo koperativa ho industria kik sira iha municpiu Ermera ne’e, tanba ita tenki antes fo suporta, tanba grupu balun hetan tiah suporta halai lakon tiha koperativa ka industria la lao, grupu balun ne’ebe merese hetan suporta ne’e la hetan fali,’’ dehan Sebastio iha seremonia sorumutu ho vise MCIA iha postu administrative Gleno, Munisipiu Ermera, Kinta (15/10/2015). nia

Jornal Nacional