ESTADU SEI KONDEKORA VETERANUS 50 RESIN IHA OE-CUSSE

Xefi Estadu, Taur Matan Ruak, sei kondekora veteranus 50 resin iha loron 28 de Novembru, ne’ebé sei hala’o iha Rejiaun Autonomo Oe-cusse, hodi komemora mós tinan 500 rejiaun Khatolika tama mai Timor Leste.

Ministru ESTATAL, Dionisio Babo informa katak, veteranus 50 resin ne’e, mai husi Munisipiu hotu, no Governu sei prepara transporte atu transporta veteranus sira ne’e ba hotu Oe-cusse atu simu kondekorasaun husi Estadu.

“Prezidente da Repúblika sei kondekora ema veteranus 50 resin, no sei fó mós ema premius ba ema sira ne’ebé mak manan nain ba nutrisaun,”dehan Dionisio Babo ba jornalista sira iha Palacio Prezidensia Aitarak Laran Dili Sesta (16/10), hafoin hasoru malu ho Prezidenta da Repúblika Taur Matan Ruak.

Nia hatutan, Prezidente da Repúblika sei kondekora veteranu sira ne’e, iha loron 28 Novembru.

Dionisio dehan, medida medalla ne’ebé mak Estadu atu fó veteranus sira ne’e, nia seidauk hatene, tanba ida ne’e Xefi Estadu nia kompetensia.

Dionisio husu ba povu iha Timor laran tomak katak, lalika laran taridu ba selebrasaun loron importante ne’e, tanba selebrasaun ne’e sei hala’o iha Municipiu hotu.

Maibé Dionisio dehan, semak laran Kaman atu partisipa direita selebrasaun iha Oe-cusse ne’e, bele trata sedu ona dokumentus, tanba ema barak mak sei ba partisipa iha ne’eba.

“Ida ne’e para, labele to’o fali iha loron ikus foin atrapailla, depois ita labele koordena, tanba ita liu husi ema nia rai, ita tenke respeita mós lei ne’ebé mak aplika iha ema nia rai,”katak Dionisio.cos

Jornal Nacional