Sekretaria
Estadu Juventude Desportu (SEJD), konvoaka debate ho federasaun desportivas,
iha hotel turismo Dili-kinta (15/10) semana kotuk, hodi koalia konabá politika,
dezafius ne’ebé governu no federasaun infrenta, i buka nia solusaun.
“Debate
ne’e, foka liu konbá programa preoridades, estratejia mak realisiona ho
dezenvolvimentu juventudi do desportu, tanba ne’e nuudar dever no obrigasaun,
tenke bolu federasaun hotu-hotu atu bele tau hanoin hamutuk hodi haree ba
futuru, maibe infelismente hatudu katak, Federasaun Futebol de Timor Leste
(FFTL) no Confederação Desportivas de Timor Leste la marka nia prezensa.”
informa SE Leovigildo da Costa Hornay ba jornalista sira iha nia gabinete
ex-sional Lecidere Dili-sesta (16/10)
Nia
hatutan, tuir informasaun ne’ebé mak iha katak, presidente CDTL ho nia
estrutura executivu la marka nia prezensa tanba sira ba halo aprosimasaun ho
koni kupang Indonesia, hodi koalia konabá taxa fronteira, FFTL la iha
informasaun konabá sira la marka ninia prezensa, tuir Governu SEJD ninia hanoin
ne’e, federasaun, assosiasaun desportivas no klube hotu-hotu tenke partisipa,
maibé karik iha ema balun ninia hanoin katak reiunian debate ne’e la dun iha
ninia importansia, mas ne’e laos kabe ba Governu para atu bele komenta, maibe
ne’e nudar meius ida, governu halo hodi hato’o informasaun ba públiku konabá
progresu no dezafius i oinsa mak bele buka ninia soliusaun hamutuk, bazeia ba
mehi no tarjetu.
Nia
komenta, tenke define no identifika konabá fukun ka dezafius hodi bele
dezenvolve desportu entermus de infrastrutura no dezenvolve intitusionamente
mak liga federasaun sira, nomos mudansa mentalidade, tanba mudansa de atetude
ne’e importante atu nune’e bele asegura labele akontese pratika mal de
administrasaun ho garante sustentabidades no inovativu servisu ba futuru.
“Hau
hatene katak, dala barak ita halo buat ruma ne’ebé lolos ninia importansia ne’e
ba komunidades no povu TL, maibé iha ema no grupu balu sempre fo kritika
bebeik, mas ida ne’e duni mak ita hotu hakarak, ne’ebé tenke loke espasu hodi
rona akumula kritika hotu-hotu hodi nune’e bele hakbit no halo dezenvolvimentu
tanba nudar sidadaun, konserteza ita iha mehi ne’ebé mak hanesan, TL mos bele i
tenke sai hanesan país dezenvolvidu, i tuir planu SEJD ne’e, sei realiza bebeik
debates nune’e bele hatene progresu no dezafius ne’ebé infrenta.” Nia elojia. Ito
Jornal
Nacional
Sem comentários:
Enviar um comentário