Dadus Veteranu Aumenta, Hamosu Duvida Ba Publiku

LIFAU - Ativista no foin sae sira iha suku lifau, Postu administrative Pantai Makasar senti duvida ho dadus veteranus neebe mak oras nee sempre aumenta, tan nee husu estadau atu identifika lolos dadus veteranus iha Oecuse.

Tuir Ativista suku Lifau Ramiro Paixao Bano hatete veteranu balun simu no balun lasimu tamba iha problema dadus, veteranus balun inventa informasaun katak tempu Indonesia hetan kapturasaun, tan nee governu susar tebes atu realiza pagamenetu.

Partisipasaun veteranus sira nian sai duvidas boot tamba veteranu iha Oecusse balun tauk sei rai hela osan no hau husu atu interven hodi rekoila lolos, tamba veteranus nee sakral no tenki iha dignidade,” dehan Ramiro liu husi Dialogu ho povu suku Lifau, Postu Administrativu Pante Makasar, Oecusse.

Nia hatete mosu dadus barak neebe vetetanus sae ba 961 iha Oe-cusse imposivel, tan nee governu tenki intervene lolos no husu responsabilidade husi komisaun homenzaen, tamba sira mak halo.

Iha fatin hanesan Alberto Oki hatete uluk iha tinan 1991 polisia kaer hodi kesi ninia matan ain halo ninia laran moras, tamba seidauk hetan pagamentu husi estadu.

Hatan ba Preokupasaun nee Prezidente Republika Taur Matan Ruak hatete atu rezolve problema veteranus sira nian, maibe veteranus sira mos tenki iha responsabilidade hodi fo kontribusaun atu rezolve problema veteranus sira nian. Informasaun kompletu iha STL Jornal no STL Web, edisaun Kuarta (2/12/2105). Timotio Gusmao

Suara Timor Lorosae