Zona
izoladu sira iha Timor-Leste sei abastesidu hosi kombustível sira liuhosi ró
dahuluk ne'ebé lori petróleu iha nasaun ne'e, projetu ida hosi emprezáriu Abílio
Araújo, ne'ebé nia empreza hanesan fornesedór ida hosi Estadu timoroan nian.
Ró,
ne'ebé aprezenta ona iha loron-kuarta, sarani ho naran Dato Siri Loe, ne'ebé
hanesan naran hosi xefe tradisionál timoroan ida ne'ebé uluk rezisti ba poder
koloniál portugés nian.
"Ami
nia nasaun iha ona ró ida ne'ebé, aleinde serbisu lori kombustível sira ba
rejiaun oioin, sei funsiona mós hanesan depózitu flutuante hodi hametin
abastesimentu ne'ebé permanente ba kombustível sira", Abílio Araújo
hatete.
Harii
entre tinan 2012 no 2013 no hahú serbisu dezde 2014, ró ne'e sosa hosi empreza
indonéziu PT Lima Srikandi Jaya, subsidiáriu hosi Harita Mineral Group,
produtór prinsipál hosi níkel iha Indonézia.
Ho
tripulasaun ida hamutuk na'in 16, naruk metru 88 no porte ida ho tonelada
3.200, ró, ne'ebé hanesan propriedade hosi Sacom Energia, iha kapasidade hodi
lori kombustível 4.210 metru kúbiku (ka besik litru millaun 4,2).
Tuir
emprezáriu, opsaun ne'e permiti atu nasaun bele sai "independente hosi
operadór estranjeiru sira" iha distribuisaun ba kombustível sira.
SAPO
TL ho Lusa - Foto hosi António Casais (Postais de Timor)
Sem comentários:
Enviar um comentário