SABADO LIGA FUTEBOL AMADORA HAHU, DADA SORTEIO BA POOL 4

DILI- bainrua Liga fuebol Timor Leste ofisialmente hahu ninia papael hodi hamoris desportu futebol iha rai laran.

Komisaun ezekutivu Liga Futebol Amadora iha Tersa (01/12) kalan halo tan eventu dada riva(Drawing) ba klubu futebol sira ne’ebé mak rejistu. prosesu dada Riva iha salaun konferensia Otél Timor Tersa kalan ne’e klubu 21 partisipa no sei hala’o abertura iha dia 5 Dezembru.

klubu 21 fahe ba Pool hat, pool ida iha ekipa lima, mas iha klubu ida mak konsege hein de’it jogu segundu bain-hira iha pool ne’e sai manan nain ne’e mak sei hakat ba jogu hasoru klubu ida ne’ebé mak hetan fatin ne’e.

       

Hafoin remata dada riva, Prezidente Ezekutivu Liga Futebol Amadora (LFA) Nilton Gusmão hatete, atu dezenvolve futebol iha paiz ida ne’e mak SEJD kria komisaun ezekutivu LFA atu ne’ebé emprezaríu Timor-oan lubun ida iha laran atu komesa kria ona Liga futebol Amadora ida ne’e.

Nilton esplika, liu husi Liga futebol Amadora iha futuru oin mai bele promove ona talentu joventude sira ne’ebé gosta futebol iha rai laran.

“Ami nia esperansa ba Liga Futebol Amadora ida ne’e bele produs jogador foun sira ne’ebé iha talentu para depois atu bele reforsa ita nia selesaun nasional iha Timor-Leste,”dehan Nilton iha nia deskursu ba seremonia dada riva LFA nian iha Otél Timor tersa,01/12 kalan.

Tanba prejensa selesaun futebol iha kompetisaun Internasional sira ne’e hanesan reprejentante etadu Timor-Leste nian ba mundu internasionál tanba ne’e entidade tomak presiza kontribui ba kompetisaun LFA atu bele produs talentu joven ne’ebé mak hó kualidade diak.

     

 Sekretariu Estadu Juventude Desportu (SEJD) Leovigildo da Costa Hornai informa, Timor oan labele rende ba kondisaun minimu sira ne’ebé mak iha tanba nene’ik Governo sei kria kondisaun sira ne’e iha futuru oin mai.

Maibé labele hanoin de’it hó kondisaun minimu ne’e sai fali dezafiu bo’ot atu impede hanoin sira ne’ebé mak konstrutivu hodi organiza Liga Futebol Amadora agora dadaun ne’e.

“Ita labele dehan tanba ita nia kondisaun minimu entaun ita foti liman ona, Governo iha para atu resolve kondisaun minimu sira ne’e,”dehan Leovigildo iha Otél Timor.

“liu-liu kondisaun infrastrutura ne’ebé semi minimu hanesan stadium Governo iha hanoin ona atu bele kria kondisaun minimu sira ne’e tuir kapasidade orsamentu ne’ebé mak iha,”Sekretariu Estadu esplika.

Eis Presidente Konsellu Nasional Juventude Timor-Leste (CNJTL) ne’e afirma, relasiona kondisaun minimu sira ne’e, parte SEJD hato’o ba Primeiru Ministru no ministru planu Investimentu estratejiku para atu hare’e didiak kondisaun minimu sira ne’e iha 2016 oin mai.(flo)

Timor Post

POOL A-B-C-D IHA-NE’E