SIRKULASAUN PORNOGRAFIA ARBIRU, HALO JOVEN MONU BA VIDA PROSTITUISAUN

Deputado bankada FRETILIN, Eladio Faculto hateten, prostituisaun iha Timor-Leste numeru aumenta kada tinan tanba sirkulasaun ponografia sira iha Media sosial internet hodi influensia joven sira monu lalais ba vida prostituisaun.

Nia dehan, foto no film pornografia sirkula maka’as los iha media sosial sira oras ne’e dadauk, bele afeta ba ema nia moris lor-loron nian kuandu la kuidadu an didiak.

“Ami Parlamentu mos iha ne’e koalia bebeik para iha media sosial Fecbook iha fatin sira ne’e ema hatama buat ponografis sira ne’e asesu ba labarik minoridade no ema boot sira mos loke hotu kedas fecebook entaun konsekuensia implika ba sosiedade nia mental tamba ne’e mak ita nia sosiedade agora hetan problema ba dekadensia moral ne’ebe monu tun ezemplu ita nia joven feto sira dala ruma pasa vida buka moris liu husi partisispa iha vida prostitusaun,”dehan Eladio Faculto ba jornalsita sira iha Parlamentu Nasional Kinta (28/1/2016).

Nia dehan, iha fatin hotu iha mundo sempre iha fatin prostituisaun tamba sosiedades iha problemas ekonomia entaun vida prostituisaun ne’e sempre eziste.

“Ita nia nasaun abertu kondisoens komesa nakloke relasaun ho nasaun seluk prostituta sira balu iha grupu entaun komesa influensia labarik joven sira komesa involve iha vida prostituisaun nian tanba maneira de organizasaun talves sira komesa organiza aan dala ruma ho organiza grupu dala ruma individual i ema sira iha osan barak dala ruma influensia labarik feto idade moniridade sira buka halo vida ho labarik entaun konsekuensa labarik abitua moris sira hanesan ne’e entaun tinan ba tinan sira komesa pasa vida hensan ne’e, ne’e kompleksidade sosiedade nian agora nian mak ida ne’e,” esplika Eladio.

Atu fo solusaun ba joven sira ne’ebe partisispa iha vida prostituisaun, Eladio dehan, tenke kria kampu traballu ba joven sira atu labele fo tempu ba liu haree flim ponografia iha internet, iha Fecbook.

“Ida ne’e edukasaun moral mak tenki maka’as iha eskola, iha uma, no igreja tenke maka’as fo moral ba joven sira bele muda sira nia mentalidade nune’e labele monu ba buat ne’ebe aat,”dehan Eladio tan.car

Jornal Nacional