Konsidera Ilegal, Tribunal Muda Sai Okupante 3

DILI - Tribunal Distrital Dili muda sai okupante nain tolu hanesan Alarico Sarmento, Amandio da Silva no Afonso Bernardino iha Balibar, tanba okupa Amilkra Soares nia rai.

Tuir official justisa neebe kaer prosesu nee katak, ejekusaun ba uma kain tolu nee desizaun husi tribunal. Tanba prosesu neebe mak tama iha tribunal Amilkra Soares Seixas mak manan, no nia mak hanesan nain ba rai nee. Prosesu nee hahu iha 2001, neebe ezekusaun primeiru iha 2010. Okupante sira dehan fo sira tempu fulan tolu mak  entrega voluntariu, maibe too agora la sai. Neemak tribunal ohin halo ezekusaun nee.

Iha ezekusaun nee Tribunal Distrital Dili koopera hamutuk ho ekipa serbisu gestaun merkadoria no ordem publiku Munisipiu Dili akompania husi Polisia Nasional Timor-Leste (PNTL) mak muda sai okupante nain tolu husi rai ho medida 8 hektares iha aldeia Lakoto, sucu Balibar nian.

Iha biban nee Domingas Vicenti nudar fen kaben husi okupante Alarico Sarmento hatete, sira laiha konesementu kona ba desizaun tribunal nian. Tanba nee desizaun refere la transparan ka la terbuka ba parte rua. Rai nee seidauk iha sertifikadu maibe iha deit bileti official neebe tau deit sira nia avo David nia naran.  Informasaun kompletu iha STL jornal no STL Web, edisaun Sabado (30/1/2016). Domingas Gomes

Suara Timor Lorosae