Ha’u Sempre Defende Estadu Ida Tranzisaun Husi Estadu de omen ba Estadu De Lei, dehan Prezidente TMR

Radio Liberdade Online – Relasióna ho pólemika   nomeiasaun no ezonerasaun   ba kargu Xefe Estado Maiór-Jenerál Forsa  Armada (CEMGFA) F-FDTL no kargu Xefe Estadu Maiór Jenerál Forca  Armadas (CEMGFA) F-FDTL (Vice ) nian, to’o agora públiku kontinua hela ho intrepretasaun no espekulasaun oioin.

Prosesu nomeiasaun no ezonerasaun hetan protestu husi membru Parlamentu Nasionál no Governu rasik laaseita desizaun ne’ebé Prezidente Repúblika halo hodi ezonera Komandante Lere husi ninia karge. Ho desizaun ne’e, Governu planu dadauk ona atu lori kazu ne’e bá Tribunal Rekursu atu hare’e ninia konstitusionálidade.

Relasóna ho desizaun ne’ebé sai ona pólemiku iha públiku, Prezidente Repúblika, Taur Matan Ruak (TMR) iha Kuarta (25/2) ne’e mosu iha uma fukun reprezentante povu nian hodi hato’o ninia razaun tansá nia foti desizaun refere.

Durante iha sesaun plenaria ne’ebé transmiti direita husi RTTL, Prezidente TMR hateten nia sempre defende Estadu ida tranzisaun husi Estadu de Omen ba Estadu de Lei.

“ha’u sempre defende Estadu Ida tranzisaun husi Estadu de Omen ba Estadu de Lei. Uluk iha ailaran mate mak troka, tranzisaun fó oportunidade ba sira seluk atu aplika ninia sabedoria teste ninia kapasidade nia util ba nasaun ka lae ?e hau halo ida ne’e iha 2011 hau tinan kiik liu korenais hotu-hotu iha forca Armadas nia laran.” Pedro Klamar Fuik mak tinan kiik liu ha’u. Sé ha’u  lasai hanesan kareta iha trafíku boot pior-liu sira seluk sai uluk ha’u tranzisaun lalao e hau sai laos tamba ha’u baruk no hakarak prezidente deit.”

“Liuliu sai para fó fatin ba sira seluk, laiha momentu ida ha’u hateten ba Korenel sira katak sira tenke hela to’o baruk deit no laiha momentu ida Prezidente da Repúblika hateten ba Permeiru Ministru katak Sr. General mak tenke Lere  e nune’e mós laiha momentu ida konversa ho General Lere katak nia tenke hela` Ha’u sempre hateten sei fo fatin ba sira seluk atu di’ak liu-tan ita- bo’ot sai ho naran mos .”

Eis komandate F-FDTL ne’e esplika mós prosesu nomeisaun ba komandante Jerál forsa defeza nian tuir lei sira ne’ebé ezisti. TMR haktuir Governu hato’o proposta rua ba prezidente repúblika atu hili xefe Estadu Maiór, maibé nia lakonkorda ho prosesu ida ho naran rekondusaun.

“Bainhira simu pose ita hotu jura aplika Lei no Konstituisaun. Ita nia komadante sira tuir Lei sira nia tempu hotu  liu ha’u lahatene. Ha’u mak sala ou Governu mak sala? Governu aprezenta proposta ba Prezidente da Repúblika atu hili Chefe Estado Maior General Forca  Armadas foun e proposta Governu nian Rua.  Ida rekondusaun ha’u lakonkorda rekondusaun e hau esplika karik iha rekondusaun implikasoens priméiru ke kornel sira ne’ebé tuir laiha promosaun e Sr.General Filomino mós laiha formasaun tamba nia kontinua.”

“Hanesan  nia fatin karik  sira nain rua nafatin tenke altera Lei karik la altera Lei sira nain rua sai dala ida deit karik sai dala ida tenke lori korenel sira promove ba brigaderu ida e ida seluk ba maiór Jenerál hakat liu ida,” TMR esplika.

TMR akresenta liu-tan katak Premeiru Ministru Lafó Opsaun ba Prezidente da Repúbliku no mós prezidente lahela ho opsaun ida no Jenerál rua deit mak Prezidente eskolha`.

“Ha’u nia pergunta serake kazu ida ne’e mak sai perkupasaun boot kuandu iha asuntu balun no boot ita konsege ultra pasa e   ezonerasaun  general Lere  sai tiha  polemika boot. Ha’u nia haree ida-ne’e laos problema e problema ba ha’u mak forma oinsa ita lori Timor no tipu de sivilizasaun ne’ebé ita hare’e iha Timor,’ dehan nia.

Aman ba Nasaun ne’e mós hateten nia sei kontinua disponivel atu diskuti ho Parlamentu Nasionál liuliu Governu hodi hetan Solusaun ba kazu Lere  no prezidenti mós husu ba Parlamentu Nasional labele hare’e nia [prezidente hanesan adversáriu maibé hare’e hanesan parseiru.

Liu-husi oprtunidade ne’e Prezidente da Repúblika  mós hato’o nia mensajen ba povu Timor tomak no Forsa Armadas F-FDTL  tenke hametin pas no estabilidade no haburas demokrasia iha rai doben ida-ne’e no Lori Timor hodi hari’i nasaun ida-ne’ebé oportunidade iha  ba ema hotu.

 Iha fatin hanesan Vice Bankada Partidu PD  Virgilio Hornai hateten  Konstituisaun RDTL  fó fatin ba Prezidente Repúblika atu hato’o nia Mensajen do estadu ba povu hotu tamba povu hotu prekupa ho situasaun ne’ebé mak liga ba ezonerasaun Lere Anan Timur nian.

 “Ha’u hanoin Mensajen ida ohin ne’e kapas apejar  iha mensajen balun kritika maibé hanesan Chefe Estadu ida-ne’e hanesan mensajen ida mais pasífiku tamba ema hotuhotu integra prosesu ne’e tamba hakarak hetan duni mensajen husi Prezidente da Repúbliku ba situasaun  ida ne’e .” nia hateten.

Desizaun Prezidente TMR nian hodi halo ezonerasaun ba Xefe Estadu Maiór Lere Anan Timur sai ona pólemiku boot iha públiku nia leet. Iha parte seluk deputadu sira iha uma fukun Parlamentu Nasionál mós haksesuk maka’as kona-ba desizaun ne’e tamba tuir sira ida-ne’e kontra lei no inkonstitusionál.

Rádio Liberdade Dili (25.02.2016)