PM Interinu Hatoo Aktividade Governu Ba Taur

DILI – Governu liu husi Primeiru Ministru Interinu Agio Pereira, hatoo aktividade servisu Governu nian ba Presidenti Republika (PR) Taur Matan Ruak.

Primeiru Ministru Interinu Agio Pereira hatete, reniaun lolos Kinta (3/2/2016), maibee horseik programa Presidenti todan teb-tebes, tamba nee ohin, nudar Primeiru Ministru Interinu rona husi Presidenti nia preokupasaun balu, informa mos Presidenti konaba aktividades Governu nian.

Iha Ida ke ami koalia mos nomeasaun Senfa nian, neebe Presidenti iha komitmentu atu kolabora hodi bele hetan solusaun neebe diak ba Estadu, konserteza detalius hau labele esplika,” dehan PM Interinu Agio ba jornalista sira hafoin remata enkontru ho PR Taur iha Palaciu PR Nicolau Lobato, Sesta (04/03/2016).

Nia hatete, kestaun nee hanesan asuntu neebe prosesu lao hela ba oin, I Segunda feira Primeiru Ministru too ona sei kontinua prosesu nee to remata hodi hetan benefisiu ba Estadu.

Iha parte seluk eis Administrador Postu Administrativa Hatobiliku, Domingos Lopes husu ba lideransa sira atu tur hamutuk, hodi rejolve polemika neebe mak akontese iha rai laran, atu nunee labele hamosu inestabilidade iha rai laran.

Nunee mos xefe aldeia Tahu Laran Zacarias Ximenes hatete, nasaun Timor Leste atu lao diak ba oin iha ema hotu-hotu, tantu husi ukun nain too povu kiik sira tenke hametin paz no estabilidade, tamba liu husi paz no estabilidade mak dezemvolvimentu bele lao ba oin ho diak. Informasaun kompletu iha STL Jornal no STL Web, edisaun Sabado (5/3/2016). Carme Ximenes

Suara Timor Lorosae